ഫറോക്ക്: പ്രായപൂര്‍ത്തിയാകാത്ത പട്ടികജാതി പെണ്‍കുട്ടിയെ മദ്യം നല്‍കി പീഡിപ്പിച്ച കേസില്‍ 2പേര്‍ പിടിയില്‍. ചാലിയം അരയന്‍വളപ്പില്‍ എ.വി മുഹമ്മദ് ഫിറാദ് (22) പ്രായപൂര്‍ത്തിയാകാത്ത ചാലിയം സ്വദേശി എന്നിവരെയാണ് പോക്‌സോ പ്രകാരം അറസ്റ്റ് ചെയ്തത്. കേസില്‍ ഒരാഴള്‍കൂടി പിടിയിലാകാനുണ്ടെന്ന് അന്വേഷണ ഉദ്യോഗസ്ഥര്‍ അറിയിച്ചു.
ചെറുവണ്ണൂര്‍ കൊളത്തറയിലുള്ള 16വയസ്സുകാരിയെ സ്‌കൂട്ടറില്‍ കയറ്റി ചുറ്റിക്കറങ്ങുകയും പിറ്റേദിവസം ഒന്നാം പ്രതി മൂന്നാം പ്രതിയുടെ ബൈക്കില്‍ കയറ്റി ഫറോക്ക് റെയില്‍വേ സ്‌റ്റേഷന് സമീപമുള്ള ആളൊഴിഞ്ഞ സ്ഥലത്ത് കൂട്ടിക്കൊണ്ടുപോയി ബിയര്‍ ആണെന്ന് പറഞ്ഞ് മറ്റു മദ്യം നല്‍കി രണ്ട് തവണ ലൈംഗികമായി പീഡിപ്പിച്ചെന്നാണ് പരാതി. പെണ്‍കുട്ടിയെ ചില്‍ഡ്രന്‍സ് ഹോമില്‍ പ്രവേശിപ്പിച്ച് കൗണ്‍സിലിങ് നടത്തിയതോടെ കേസിന് വഴിത്തിരിവായത്.