india
റോഡരികിൽ നമസ്കാരം നിര്വ്വഹിക്കുന്നവരുടെ പാസ്പോർട്ടും ഡ്രൈവിങ് ലൈസൻസും റദ്ദാക്കും -റമദാനിലെ അവസാന ജുമുഅക്കും പെരുന്നാളിനും യു.പി പൊലീസിന്റെ മുന്നറിയിപ്പ്
ഈദ് നമസ്കാരം പ്രാദേശിക പള്ളികളിലോ നിയുക്ത ഈദ്ഗാഹുകളിലോ നടത്തണം, റോഡിൽ നമസ്കാരം ഉണ്ടാകരുത് -മീറത്ത് സിറ്റി പൊലീസ് സൂപ്രണ്ട് ആയുഷ് വിക്രം സിങ് പറഞ്ഞു.

പെരുന്നാളിനും റമദാനിലെ അവസാന വെള്ളിയാഴ്ചയായ ഇന്ന് ജുമുഅ പ്രാർഥനക്കും മുന്നോടിയായി മുന്നറിയിപ്പുമായി ഉത്തർപ്രദേശ് പൊലീസ്. റോഡരികിൽ നമസ്കാരം നടത്തുന്നവർക്കെതിരെ കർശന നടപടിയുണ്ടാകുമെന്ന് മീറത്ത് പൊലീസ് മുന്നറിയിപ്പ് നൽകി. നിർദേശം ലംഘിക്കുന്നവരുടെ പാസ്പോർട്ടും ഡ്രൈവിങ് ലൈസൻസും റദ്ദാക്കുമെന്നാണ് പൊലീസ് പറയുന്നത്.
ഈദ് നമസ്കാരം പ്രാദേശിക പള്ളികളിലോ നിയുക്ത ഈദ്ഗാഹുകളിലോ നടത്തണം, റോഡിൽ നമസ്കാരം ഉണ്ടാകരുത് -മീറത്ത് സിറ്റി പൊലീസ് സൂപ്രണ്ട് ആയുഷ് വിക്രം സിങ് പറഞ്ഞു.
ക്രിമിനൽ കേസ് രജിസ്റ്റർ ചെയ്താൽ അവരുടെ പാസ്പോർട്ടും ലൈസൻസും റദ്ദാക്കുമെന്ന് -കേന്ദ്ര മന്ത്രിയും രാഷ്ട്രീയ ലോക്ദൾ (ആർ.എൽ.ഡി) നേതാവുമായ ജയന്ത് സിങ് ചൗധരി പറഞ്ഞു. കോടതിയിൽ നിന്ന് നോ ഒബ്ജക്ഷൻ സർട്ടിഫിക്കറ്റ് ഇല്ലാതെ പുതിയ പാസ്പോർട്ട് ലഭിക്കുന്നത് ബുദ്ധിമുട്ടായിരിക്കും. കോടതി കുറ്റവിമുക്തരാക്കുന്നതുവരെ ഈ രേഖകൾ കണ്ടുകെട്ടുമെന്നും ജയന്ത് സിങ് ചൗധരി പറഞ്ഞു.
സുരക്ഷാ ക്രമീകരണങ്ങൾ വിവിധ ഏജൻസികൾ ജില്ല ഭരണകൂടവുമായി ചേർന്ന് ഏകോപിപ്പിക്കുകയാണെന്ന് മീറത്ത് എസ്.എസ്.പി വിപിൻ ടാഡ പറഞ്ഞു.
india
യുപിയില് ബീഫ് കടത്തിയെന്ന് ആരോപിച്ച് നാല് മുസ്ലിം യുവാക്കളെ ക്രൂരമായി മര്ദിച്ച് ഹിന്ദുത്വവാദികള്
യുവാക്കള് ഉപയോഗിച്ചിരുന്ന ട്രക്ക് അക്രമികള് കത്തിച്ചു.

യുപിയിലെ അലിഗഢില് ബീഫ് കടത്തിയെന്ന് ആരോപിച്ച് നാല് മുസ്ലിം യുവാക്കള്ക്ക് നേരെ ഹിന്ദുത്വവാദികളുടെ ക്രൂര മര്ദനം. അര്ബാസ്, അഖീല്, കദീം, മുന്ന ഖാന് എന്നിവര്ക്കാണ് മര്ദനമേറ്റത്. ഗുരുതരമായി പരിക്കേറ്റ ഇവര് ചികിത്സയിലാണ്. അലിഗഢിലെ അല്ഹാദാദ്പൂര് ഗ്രാമത്തില് കഴിഞ്ഞ ദിവസമാണ് സംഭവം. യുവാക്കള് ഉപയോഗിച്ചിരുന്ന ട്രക്ക് അക്രമികള് കത്തിച്ചു.
ട്രക്കിലുണ്ടായിരുന്ന മാംസത്തിന്റെ സാമ്പിള് പരിശോധനക്ക് അയക്കുമെന്നും പരാതി ലഭിച്ചാല് എഫ്ഐആര് രജിസ്റ്റര് ചെയ്യുമെന്നും പൊലീസ് പറഞ്ഞു.
”ബീഫ് കടത്തുന്നുവെന്ന് ആരോപിച്ച് ഏതാനും പേരെ ഗ്രാമീണര് തടഞ്ഞുവെച്ചിരിക്കുന്നുവെന്ന് പൊലീസിന് വിവരം ലഭിച്ചു. ഒരു കൂട്ടം ഗ്രാമീണര് അവരെ തടഞ്ഞുനിര്ത്തി ആക്രമിച്ചു. പൊലീസ് ഉടന് സ്ഥലത്തെത്തി നാലുപേരെയും രക്ഷപ്പെടുത്തി ആശുപത്രിയിലാക്കി, സംഭവത്തില് അന്വേഷണം തുടരുകയാണ്. പരാതി നല്കാന് പ്രദേശവാസികളോട് ആവശ്യപ്പെട്ടിട്ടുണ്ട്. കൂടുതല് വിവരങ്ങള് ശേഖരിക്കും. അതിന്റെ അടിസ്ഥാനത്തിലാണ് നിയമനടപടി സ്വീകരിക്കുക”-അലിഗഢ് റൂറല് എസ്പി അമൃത് ജയിന് പറഞ്ഞു.
അതേസമയം പ്രതികളായ ഹിന്ദുത്വ പ്രവര്ത്തകരെ പൊലീസ് ഇതുവരെ കസ്റ്റഡിയിലെടുത്തിട്ടില്ല. വിഎച്ച്പി, ബജ്റംഗ്ദള് പ്രവര്ത്തകരാണ് ആക്രമണം നടത്തിയത് എന്നാണ് സോഷ്യല് മീഡിയ പോസ്റ്റുകളില് ആരോപിക്കുന്നത്. നാല് യുവാക്കളെ വടിയും കല്ലും ഇരുമ്പ് വടികളും മൂര്ച്ചയേറിയ ആയുധങ്ങളും ഉപയോഗിച്ച് ക്രൂരമായി മര്ദിക്കുന്ന ദൃശ്യങ്ങള് സോഷ്യല് മീഡിയയില് പ്രചരിച്ചിരുന്നു.
മര്ദനമേറ്റ യുവാക്കളില് മൂന്നാളുകളുടെ പരിക്ക് അതീവ ഗുരുതരമാണ്. ”പരിക്കിനെക്കുറിച്ച് ഞാന് വിശദീകരിക്കുന്നില്ല. നിങ്ങള് വീഡിയോകള് കാണുക. എന്റെ മകന് ആശുപത്രിയില് ജീവന് വേണ്ടി മേയ് 24ന് പൊരുതുകയാണ്”-അഖീലിന്റെ പിതാവ് സലീം ഖാന് പറഞ്ഞു.
അലിഗഢിലെ അല്-അമ്മാര് ഫ്രോസണ് ഫുഡ്സ് മാംസ ഫാക്ടറിയില് നിന്നും അത്രൗളിയിലേക്ക് പോത്തിറച്ചിയുമായി പിക്ക്-അപ്പ് ട്രക്കില് നാലുപേരും മടങ്ങുകയായിരുന്നു. തുടര്ന്ന് സാധു ആശ്രമത്തില് വെച്ച് വാഹനം ഒരു സംഘം തടഞ്ഞു. വഴിയില് ബീഫ് കള്ളക്കടത്ത് നടക്കുന്നുണ്ടെന്ന് തങ്ങള്ക്ക് സൂചന ലഭിച്ചതായി ഹിന്ദുത്വ സംഘടനകള് അവകാശപ്പെട്ടു. പരാതിയില് വിഎച്ച്പി നേതാവ് രാജ്കുമാര് ആര്യ, ബിജെപി നേതാവ് അര്ജുന് സിങ് എന്നിവരുടെ പേരുകള് സലീം ഖാന് നല്കിയ പരാതിയില് സൂചിപ്പിക്കുന്നുണ്ട്.
അക്രമിസംഘം വാഹനത്തിലുണ്ടായിരുന്ന നാലുപേരെയും വലിച്ചു പുറത്തേക്കിട്ടു. മാംസം വാങ്ങിയതിന്റെ ബില് കീറിയെറിഞ്ഞു. വിട്ടയക്കണമെങ്കില് വലിയ പണം നല്കാനായിരുന്നു അക്രമികള് ആവശ്യപ്പെട്ടത്. അഖീലും അവന്റെ കസിനും പണം നല്കാന് വിസമ്മതിച്ചപ്പോള് അവരുടെ വാഹനം തകര്ക്കുകയും മറിച്ചിട്ട് കത്തിക്കുകയും ചെയ്തു. അക്രമികള് യുവാക്കളുടെ കയ്യിലുണ്ടായിരുന്ന പണവും മൊബൈല് ഫോണും കവര്ന്നു. ഇറച്ചി റോഡിലേക്ക് വലിച്ചെറിഞ്ഞെന്നും സലീം പറഞ്ഞു. പൊലീസ് സ്ഥലത്തെത്തിയതിന് ശേഷവും മര്ദനം തുടര്ന്നതായാണ് ചില വീഡിയോകളില് നിന്ന് വ്യക്തമാവുന്നത്.
india
ഊട്ടിയില് ദേഹത്ത് മരംവീണ് വടകര സ്വദേശിക്ക് ദാരുണാന്ത്യം
വടകര മുകേരിയിലെ പ്രസീതിന്റെയും രേഖയുടെയും മകന് ആദിദേവ് (15) ആണ് മരിച്ചത്.

കോഴിക്കോടുനിന്നും ഊട്ടിയിലേക്ക് വിനോദയാത്രക്കെത്തിയ 15കാരന്റെ ദേഹത്ത് മരംവീണ് ദാരുണാന്ത്യം. വടകര മുകേരിയിലെ പ്രസീതിന്റെയും രേഖയുടെയും മകന് ആദിദേവ് (15) ആണ് മരിച്ചത്. പരിക്കേറ്റ കുട്ടി സംഭവസ്ഥലത്ത് തന്നെ മരിക്കുകയായിരുന്നു. ഊട്ടി-ഗുഡലൂര് ദേശീയപാതയിലെ ട്രീ പാര്ക്ക് ടൂറിസ്റ്റ് സെന്ററിലാണ് അപകടമുണ്ടായത്.
കോഴിക്കോട് ഭാഗത്തുനിന്ന് വിനോദസഞ്ചാരികളുടെ 14 പേരടങ്ങിയ സംഘമാണ് ഊട്ടിയിലേക്ക് എത്തിയത്. ഗൂഡല്ലൂരിലേക്കുള്ള റോഡിലെ ട്രീ പാര്ക്ക് ഭാഗത്ത് വെച്ച് ആദിദേവിന്റെ തലയില് മരം വീഴുകയായിരുന്നു.
പൊലീസും വനംവകുപ്പും സ്ഥലത്തെത്തി. മൃതദേഹം പോസ്റ്റ്മോര്ട്ടത്തിനായി ഊട്ടി ഗവ. മെഡിക്കല് കോളേജ് ആശുപത്രിയിലേക്ക് അയച്ചു. കനത്ത മഴയെ തുടര്ന്ന് ഊട്ടിയിലെ വിനോദസഞ്ചാര കേന്ദ്രങ്ങള് രണ്ടു ദിവസത്തേക്ക് അടച്ചിട്ടിരിക്കുകയാണ്.
india
പ്രസവാവധി ഭരണഘടനാപരമായ അവകാശമാണ; സുപ്രീം കോടതി വിധി
പ്രസവാവധി ന്യായമോ സാമൂഹിക നീതിയോ മാത്രമല്ല, ഭരണഘടനാപരമായ ഉറപ്പ് കൂടിയാണെന്ന് സുപ്രീം കോടതി പറഞ്ഞു.

സ്ത്രീകളുടെ ജോലിസ്ഥലത്തെ അവകാശങ്ങളെക്കുറിച്ചുള്ള സുപ്രധാന വിധിയില്, സര്ക്കാര് സ്കൂള് അധ്യാപികയ്ക്ക് മൂന്നാമത്തെ കുട്ടിയുടെ ജനനത്തിന് പ്രസവാവധി നിഷേധിച്ച മദ്രാസ് ഹൈക്കോടതി വിധി സുപ്രീം കോടതി വെള്ളിയാഴ്ച റദ്ദാക്കി. പ്രസവാവധി ന്യായമോ സാമൂഹിക നീതിയോ മാത്രമല്ല, ഭരണഘടനാപരമായ ഉറപ്പ് കൂടിയാണെന്ന് സുപ്രീം കോടതി പറഞ്ഞു.
മാന്യതയോടും നീതിയോടും ബന്ധപ്പെട്ടതാണ് പ്രസവാവധി
ജോലി ചെയ്യുന്ന സ്ത്രീകളുടെ ആരോഗ്യത്തിനും അന്തസ്സിനും പിന്തുണ നല്കുന്നതില് പ്രസവാവധി നിര്ണായക പങ്ക് വഹിക്കുന്നുണ്ടെന്ന് ജസ്റ്റിസുമാരായ അഭയ് എസ് ഓക്ക, ഉജ്ജല് ഭൂയാന് എന്നിവരടങ്ങിയ ബെഞ്ച് നിരീക്ഷിച്ചു. ‘സ്ത്രീകള് ഇപ്പോള് തൊഴില് ശക്തിയുടെ ഗണ്യമായ ഭാഗമാണ്, അവരെ ബഹുമാനത്തോടെയും അന്തസ്സോടെയും പരിഗണിക്കണം,’ ബെഞ്ച് പറഞ്ഞു.
പ്രസവാവധി സ്ത്രീകള്ക്ക് ഊര്ജം വീണ്ടെടുക്കാനും അവരുടെ കുഞ്ഞിനെ മുലയൂട്ടാനും ജോലിയുടെ പ്രകടനം നിലനിര്ത്താനും സഹായിക്കുമെന്ന് ജഡ്ജിമാര് വിശദീകരിച്ചു. ഗര്ഭധാരണം സ്ത്രീയുടെ ശരീരത്തെയും മനസ്സിനെയും ഒരുപോലെ ബാധിക്കുന്നുവെന്നും മാതൃത്വത്തിലും കുട്ടിക്കാലത്തും ശ്രദ്ധ വേണമെന്നും കോടതി ഊന്നിപ്പറഞ്ഞു.
-
Health3 days ago
സംസ്ഥാനത്ത് വീണ്ടും കോവിഡ് മരണം: 7 ദിവസത്തിനിടെ തിരുവനന്തപുരത്ത് 2 പേര് മരിച്ചു
-
film20 hours ago
‘എഴുതിയ സത്യത്തോടുള്ള പക എഴുത്തുകാരന്റെ ചോരകൊണ്ട് തീര്ക്കാന് ഭീരുക്കള് കീബോര്ഡിന്റെ വിടവുകളില് ഒളിഞ്ഞിരുന്ന് ആഹ്വാനങ്ങള് നടത്തുന്നു’; എമ്പുരാന് വിവാദത്തില് പ്രതികരിച്ച് മുരളി ഗോപി
-
kerala3 days ago
കേരള ഫുട്ബോൾ ടീം മുൻ ക്യാപ്റ്റൻ എ നജ്മുദ്ദീൻ അന്തരിച്ചു
-
kerala3 days ago
ദലിത് യുവതിയെ കള്ളക്കേസിൽ കുടുക്കിയ സംഭവം; അന്വേഷണം ക്രൈംബ്രാഞ്ചിന്
-
kerala3 days ago
ദേശീയപാതക്ക് രണ്ട് പിതാക്കന്മാർ ഉണ്ടായിരുന്നു, തകർന്നപ്പോൾ അനാഥമായി: കെ. മുരളീധരൻ
-
india2 days ago
ആകാശച്ചുഴി ഒഴിവാക്കാന് വ്യോമാതിര്ത്തി ഉപയോഗിക്കണമെന്ന ഇന്ഡിഗോ പൈലറ്റിന്റെ അഭ്യര്ഥന നിരസിച്ച് പാക്
-
india2 days ago
പ്രധാനമന്ത്രിയെ പാട്ടിലൂടെ അധിക്ഷേപിച്ചു; റാപ്പര് വേടനെതിരെ എന്.ഐ.എക്ക് പരാതി
-
Cricket2 days ago
ഐപിഎല് പോരാട്ടത്തില് ഇന്ന് റോയല് ചലഞ്ചേഴ്സ് ബംഗളൂരു – സണ്റൈസേഴ്സ് ഹൈദരാബാദ്