കാസര്‍കോട് അംഗടിമുഗര്‍ സ്‌കൂളില്‍ മരം ദേഹത്ത് വീണ് ആറാം ക്ലാസ് വിദ്യാര്‍ഥിനി മരിച്ചു. പര്‍ളാടം യൂസുഫിന്റെ മകള്‍ ആയിശത്ത് മിന്‍ഹ ആണ് മരിച്ചത്. ഇന്ന് വൈകുന്നേരം സ്‌കൂള്‍ വിട്ട് വീട്ടിലേക്ക് മടങ്ങുമ്പോഴാണ് അപകടം.
സ്‌കൂള്‍ മൈതാനത്ത് നിന്ന് റോഡിലേക്ക് കുട്ടികള്‍ പടവുകള്‍ ഇറങ്ങി വരുന്നതിനിടെ സമീപത്തുള്ള മരം കടപുഴകി ദേഹത്ത് വീഴുകയായിരുന്നു. കുറെ കുട്ടികള്‍ ഇറങ്ങി വരുന്നുണ്ടായിരുന്നെങ്കിലും തലനാരിഴയ്ക്കാണ് രക്ഷപ്പെട്ടത്. മിന്‍ഹ സംഭവ സ്ഥലത്തു തന്നെ മരിച്ചതായാണ് വിവരം. . മൃതദേഹം കുമ്പള ജില്ല ആശുപത്രിയിലേക്ക് മാറ്റിയിട്ടുണ്ട്.