വര്‍ദ്ധിച്ചുവരുന്ന കോവിഡ് ഭീതിയില്‍ ഉപേക്ഷിച്ച ബി.ജെ.പിയുടെ രാജസ്ഥാനിലെ ‘ജന്‍ ആക്രോശ് യാത്ര’ വീണ്ടും നടത്താന്‍ തീരുമാനം. താല്‍ക്കാലികമായി നിര്‍ത്തിവയ്ക്കാന്‍ തീരുമാനിച്ച് മണിക്കൂറുകള്‍ക്ക് ശേഷമാണ് ബി.ജെ പിയുടെ ഈ യു ടേണ്‍. കോവിഡ് ഭീതിയില്‍ നിയമസഭാ മണ്ഡലങ്ങളില്‍ പൊതുയോഗങ്ങള്‍ സംഘടിപ്പിക്കാനുള്ള പദ്ധതിയുമായി മുന്നോട്ട് പോകുമെന്ന് ബിജെപി കഴിഞ്ഞ ദിവസങ്ങളില്‍ അറിയിച്ചു.
ഞങ്ങളെ സംബന്ധിച്ചടത്തോളം രാഷ്ട്രീയത്തിന് അപ്പുറം ജനങ്ങളുടെ സുരക്ഷ, അവരുടെ ആരോഗ്യവുമാണ് മുന്‍ഗണന നല്‍കുന്നത്. അത് കൊണ്ട് ജന്‍ ആക്രോഷ് യാത്ര ബിജെപി താല്‍ക്കാലികമായി നിര്‍ത്തിവെക്കുന്നു ബിജെപി ദേശീയ ജനറല്‍ സെക്രട്ടറി അരുണ്‍ സിംഗ് ന്യൂഡല്‍ഹിയില്‍ പറഞ്ഞിരുന്നു. എന്നാല്‍ തീരുമാനമെടുത്ത് മണിക്കൂറുകള്‍ക്കകം ബി.ജെ പി ഈ തീരുമാനത്തില്‍ നിന്ന് പിന്മാറുകയായിരുന്നു.
രാജസ്ഥാനില്‍ അടുത്ത വര്‍ഷം നടക്കാനിരിക്കുന്ന നിയമസഭാ തിരഞ്ഞെടുപ്പ് മുന്നില്‍ക്കണ്ടാണ് കര്‍ഷകരും ഭരണവുമായി ബന്ധപ്പെട്ട വിഷയങ്ങളില്‍ അശോക് ഗെഹ്ലോട്ട് സര്‍ക്കാരിനെ തകര്‍ക്കാന്‍ കോണ്‍ഗ്രസ് ഭരിക്കുന്ന സംസ്ഥാനത്ത് ബിജെപി റാലി ആരംഭിച്ചത്. ഡിസംബര്‍ ഒന്നിന് ബിജെപി അധ്യക്ഷന്‍ ജെ പി നദ്ദയാണ് റാലി ഉദ്ഘാടനം ചെയ്തത്