Connect with us

india

മോദിക്ക് ജയ് വിളിക്കാന്‍ മനസ്സില്ല;വൈറലായി വീഡിയോ

വിദ്യാര്‍ത്ഥികളെ നാട്ടിലെത്തിക്കുന്നതിനേക്കാള്‍ പി.ആര്‍ വര്‍ക്കിനാണ് സര്‍ക്കാറിന് ശ്രദ്ധ എന്ന വിമര്‍ശനം ശക്തമായിരിക്കുകയാണ്.

Published

on

യുക്രൈനില്‍ നിന്നുള്ള വിദ്യാര്‍ത്ഥികളെ തിരിച്ചെത്തിക്കുന്നതിലുള്ള അലംഭാവവും യുക്രൈനിലെ ഇന്ത്യന്‍ എംബസിയുടെ പ്രവര്‍ത്തനങ്ങളും വിമര്‍ശനങ്ങള്‍ ക്ഷണിച്ചു വരുത്തുന്നതിനിടെ തിരിച്ചെത്തിയ വിദ്യാര്‍ത്ഥികള്‍ മോദിക്ക് ജയ് വിളിക്കാത്ത വീഡിയോ വൈറലായി. ഭാരത് മാതാ കി ജയ് വിളിക്കുമ്പോള്‍ ഏറ്റു വിളിക്കുകയും, മോദിക്ക് ജയ് വിളിക്കുമ്പോള്‍ മിണ്ടാതിരിക്കുകയും ചെയ്യുന്ന വിദ്യാര്‍ത്ഥികളാണ് വീഡിയോയിലുള്ളത്. ഓപ്പറേഷന്‍ ഗംഗ എന്ന പേരിലാണ് ഇന്ത്യന്‍ സര്‍ക്കാര്‍ വിദ്യാര്‍ത്ഥികളെയടക്കമുള്ളവരെ തിരികെയെത്തിക്കാന്‍ ശ്രമം തുടരുന്നത്. എന്നാല്‍ വേണ്ടത്ര ഭക്ഷണമോ വെള്ളമോ ഇല്ലാതെ ഇപ്പോഴും അതിര്‍ത്തികളില്‍ വിദ്യാര്‍ത്ഥികള്‍ പ്രയാസപ്പെടുകയാണ്. അതിനിടെയാണ് മോദിയുടെ പി.ആറിന് വേണ്ടിയുള്ള പോപ്പുലാരിറ്റി സ്റ്റണ്ട്.

 

ഡല്‍ഹിയില്‍ എത്തിയ വിദ്യാര്‍ത്ഥികള്‍ തങ്ങള്‍ക്ക് നേരെ നീട്ടിയ പൂക്കള്‍ നിരസിച്ച വാര്‍ത്ത നേരത്തെ വന്നിരുന്നു. സ്വന്തം റിസ്‌കില്‍ വളരെ പ്രയാസപ്പെട്ടാണ് പലരും അതിര്‍ത്തികളില്‍ എത്തിയത്. നേരത്തെ വ്യോമയാന മന്ത്രി ജ്യോതിരാദിത്യ സിന്ധ്യയുടെ വീഡിയോയും ചര്‍ച്ചയായിരുന്നു. ഇന്ത്യന്‍ വിദ്യാര്‍ത്ഥികള്‍ക്ക് മുന്നില്‍ സിന്ധ്യയോട് റൊമാനിയന്‍ മേയര്‍ കയര്‍ക്കുന്ന വീഡിയോ ആണ് പ്രചരിച്ചത്. വിദ്യാര്‍ത്ഥികളെ നാട്ടിലെത്തിക്കുന്നതിനേക്കാള്‍ പി.ആര്‍ വര്‍ക്കിനാണ് സര്‍ക്കാറിന് ശ്രദ്ധ എന്ന വിമര്‍ശനം ശക്തമായിരിക്കുകയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

മഹാരാഷ്ട്രയില്‍ മകന്‍ ആത്മഹത്യ ചെയ്തതിന് പിന്നാലെ പിതാവും ജീവനൊടുക്കി

മൊബൈല്‍ ഫോണ്‍ വാങ്ങാന്‍ പണമില്ലാത്തതിനാലാണ് മകന്‍ ആത്മഹത്യ ചെയ്തത്

Published

on

മഹാരാഷ്ട്രയില്‍ മൊബൈല്‍ ഫോണ്‍ വാങ്ങാന്‍ പണമില്ലാത്തതിനാല്‍ മകന്‍ ആത്മഹത്യ ചെയ്തതിന് പിന്നാലെ അതേകയറില്‍ പിതാവും ജീവനൊടുക്കി. മഹാരാഷ്ട്ര നന്ദേഡിലെ മിനാകി ഗ്രാമത്തിലാണ് സംഭവം.

പത്താംക്ലാസ് വിദ്യാര്‍ഥിയായാ ഓംകാറിനെയാണ് വ്യാഴാഴ്ച രാവിലെ തൂങ്ങിമരിച്ച നിലയില്‍ കണ്ടെത്തിയത്. ഹോസ്റ്റലില്‍ നിന്ന് പഠിക്കുകയായിരുന്ന ഓംകാര്‍ അവധിക്ക് വീട്ടിലെത്തിയ സമയം പഠനാവശ്യത്തിനായി തനിക്ക് സ്മാര്‍ട്ട് ഫോണ്‍ വേണമെന്ന് വീട്ടില്‍ ആവശ്യപ്പെട്ടിരുന്നു. എന്നാല്‍, പാവപ്പെട്ട കര്‍ഷക കുടുംബത്തിന് ഫോണ്‍ വാങ്ങാനുള്ള സാമ്പത്തിക നിലയുണ്ടായിരുന്നില്ല.

കൃഷിക്കായി എടുത്ത വായ്പ പോലും തിരിച്ചടക്കാന്‍ നിര്‍വാഹമില്ലാതെ ബുദ്ധിമുട്ടുകയാണെന്നും അതിനാല്‍ ഫോണ്‍ വാങ്ങാന്‍ കഴിയില്ലെന്നും പിതാവ് കുട്ടിയോട് പറഞ്ഞിരുന്നു. ഇതിന് പിന്നാലെ ബുധനാഴ്ച വീട്ടില്‍ നിന്നിറങ്ങിയ ഓംകാര്‍ തിരികെയെത്തിയില്ല. തുടര്‍ന്നുള്ള തിരച്ചിലിലാണ് കൃഷിയിടത്തിലെ മരത്തില്‍ തൂങ്ങിമരിച്ച നിലയില്‍ കുട്ടിയെ കണ്ടത്തിയത്. മകന്റെ മൃതദേഹം മരത്തില്‍ നിന്ന് താഴെയിറക്കിയ പിതാവ് അതേ കയറില്‍ തൂങ്ങിമരിക്കുകയായിരുന്നെന്നാണ് റിപ്പോര്‍ട്ടുകള്‍. സംഭവം അന്വേഷിക്കുകയാണെന്ന് പൊലീസ് അറിയിച്ചു.

Continue Reading

india

അസമിലെ ഖനിയില്‍ ഉണ്ടായ അപകടം; മൂന്ന് തൊഴിലാളികളുടെ മൃതദേഹം കൂടി കണ്ടെത്തി

ഇക്കഴിഞ്ഞ തിങ്കളാഴ്ചയാണ് ഖനിയില്‍ വെള്ളം നിറഞ്ഞ് ഒന്‍പത് തൊഴിലാളികള്‍ കുടുങ്ങിയത്

Published

on

അസമിലെ ദിമാ ഹസാവു ജില്ലയിലെ അനധികൃത കല്‍ക്കരി ഖനിയില്‍ കൂടുങ്ങിയ മൂന്ന് തൊഴിലാളികളുടെ മൃതദേഹം കൂടി കണ്ടെത്തി. ഇതോടെ അപകടത്തില്‍ മരിച്ചവരുടെ എണ്ണം നാലായി. ഇക്കഴിഞ്ഞ തിങ്കളാഴ്ചയാണ് ഖനിയില്‍ വെള്ളം നിറഞ്ഞ് ഒന്‍പത് തൊഴിലാളികള്‍ കുടുങ്ങിയത്. ഖനിയില്‍ കുടുങ്ങിക്കിടക്കുന്ന മറ്റ് അഞ്ച് തൊഴിലാളികള്‍ക്കായി രക്ഷാപ്രവര്‍ത്തനം തുടരുകയാണ്.

സംഭവത്തില്‍ കരസേനയെ കൂടാതെ കേന്ദ്രസംസ്ഥാന ദുരന്തനിവാരണ സേനകള്‍ , നാവികസേനയുടെ വിദഗ്ധ സംഘത്തിന്റെ നേതൃത്വത്തിലാണ് മേഖലയില്‍ രക്ഷാപ്രവര്‍ത്തനം നടക്കുന്നത്. രക്ഷാപ്രവര്‍ത്തനം പുരോഗമിക്കുകയാണെന്ന് സംസ്ഥാന മുഖ്യമന്ത്രി ഹിമന്ത ബിശ്വ ശര്‍മ അറിയിച്ചു

ഖനിക്ക് 310 അടി ആഴമുള്ള ഖനിയില്‍നിന്ന് വെള്ളം പുറത്തേക്ക് പമ്പ് ചെയ്ത് കളയുന്നുണ്ട്. എന്നാല്‍, വെള്ളം കല്‍ക്കരിയുമായി കൂടികലര്‍ന്നത് രക്ഷാപ്രവര്‍ത്തനത്തിന് വെല്ലുവിളിയായി. നാവികസേനയില്‍നിന്ന് വൈദഗ്ധ്യം നേടിയ ഡൈവര്‍മാര്‍ക്കും ഖനിക്കുള്ളിലേക്ക് കടക്കാനാകുന്നില്ല.

Continue Reading

india

ശ്രീരാമസേനയുടെ നേതൃത്വത്തില്‍ യുവാക്കള്‍ക്ക് വെടിവെപ്പ് പരിശീലനം മൂന്നാഴ്ചക്ക് ശേഷം കേസെടുത്ത് പൊലീസ്

മൂന്നാഴ്ചക്ക് ശേഷം പൊലീസ് 12 പേര്‍ക്കെതിരെ കേസെടുത്തു

Published

on

കര്‍ണാടകയിലെ ബാഗല്‍കോട്ടില്‍ ശ്രീരാമസേനയുടെ നേതൃത്വത്തില്‍ യുവാക്കള്‍ക്ക് വെടിവെപ്പ് പരിശീലനം നടത്തിയ സംഭവത്തില്‍ മൂന്നാഴ്ചക്ക് ശേഷം പൊലീസ് 12 പേര്‍ക്കെതിരെ കേസെടുത്തു. തോഡലബാഗി ഗ്രാമത്തിലെ വയലില്‍ നടന്ന വെടിവെപ്പ് പരിശീലനത്തില്‍ 196 പേര്‍ പങ്കെടുത്തതായാണ് റിപ്പോര്‍ട്ട്.

തോഡലബാഗി ഗ്രാമത്തിലെ കര്‍ഷകന്റെ ഭൂമിയില്‍ ശ്രീരാമസേന ഡിസംബര്‍ അവസാനത്തില്‍ ഒരാഴ്ച നീണ്ട വ്യക്തിത്വ വികസന ക്യാമ്പ് സംഘടിപ്പിച്ചിരുന്നു. ഇതിന്റെ ഭാഗമായാണ് അവസാന ദിവസം വെടിവെപ്പില്‍ പരിശീലനം നല്‍കിയതെന്ന് ബംഗളൂരു ആസ്ഥാനമായ ഓള്‍ ഇന്ത്യ അസോസിയേഷന്‍ ഫോര്‍ ജസ്റ്റിസ് നല്‍കിയ പരാതിയില്‍ പറയുന്നു. ഈ പരാതിയുടെ അടിസ്ഥാനത്തിലാണ് കേസെടുത്തതെന്ന് ബാഗല്‍കോട്ട് പൊലീസ് അറിയിച്ചു.

വെടിവെപ്പ് പരിശീലനത്തിന്റെ വിഡിയോ സമൂഹമാധ്യമങ്ങളില്‍ പ്രചരിച്ചിരുന്നു. സംഭവത്തില്‍ അന്വേഷണം പുരോഗമിക്കുകയാണെന്ന് ജില്ല പൊലീസ് സൂപ്രണ്ട് അമര്‍നാഥ് റെഡ്ഡി പറഞ്ഞു.

അതേസമയം, റൈഫിള്‍ പരിശീലനം ശ്രീരാമ സേന പരിപാടിയുടെ ഭാഗമാണെന്ന് തനിക്ക് അറിയില്ലായിരുന്നുവെന്ന് വയലുടമ പൊലീസിന് മൊഴി നല്‍കി. സംഭവത്തില്‍ അന്വേഷണം ആവശ്യപ്പെട്ട് അസോസിയേഷന്‍ ഡി.ജി.പി അലോക് മോഹന് നിവേദനം നല്‍കിയിരുന്നു.

Continue Reading

Trending