Culture
യുപിയെ ഇളക്കി മറിച്ച് രാഹുൽ ഗാന്ധി വേർഷൻ 3

യുപി തെരഞ്ഞെടുപ്പ് പ്രചരണത്തിൽ അണികളെ ആവേശഭരിതരാക്കി രാഹുൽ ഗാന്ധിയുടെ പുതിയ മുഖം. ജനക്കൂട്ടത്തെ കൈയിലെടുക്കുന്നതിൽ കോൺഗ്രസ് ഉപാധ്യക്ഷന്റെ പതിവ് പോരായ്മകളെ മറികടക്കുന്ന പ്രസംഗങ്ങളാണ് യുപിയിൽ രാഹുൽ നടത്തുന്നത്. രാഹുലിന്റെ ഓരോ വാക്കുകളും രാഷ്ട്രീയ എതിരാളികളെ ശരിക്കും മുറിപ്പെടുത്തുന്നു.
യുപിയിലെ ദിയോറ മുതൽ ഡൽഹി വരെ നടത്തുന്ന കർഷക മഹാ യാത്രയിലാണ് അക്രമോത്സുകനായ ഗാന്ധിയുടെ പുതിയ അവതാരം. രാലിക്ക് അഭൂത പൂർവമായ പിന്തുണയാണ് ഗ്രാമങ്ങളിൽ നിന്ന് ലഭിക്കുന്നത്. പതിവുപോലെ പ്രധാനമന്ത്രി നരേന്ദ്രമോദി തന്നെ രാഹുൽ ഗാന്ധിയുടെ മുഖ്യ പരിഹാസപാത്രം. മോദിയുടെ അമിത വിദേശ യാത്രകളും കോർപറേറ്റ് അടുപ്പവും മുതലെടുത്തുമാണ് ഓരോ വേദികളിലും രാഹുൽ ഗാന്ധി ജനക്കൂട്ടത്തെ കൈയിലെടുക്കുന്നത്.
യാത്രക്ക് തുടക്കമിട്ട ദിയോറയിൽ കർഷകർ കട്ടിലുകളെടുത്ത് കൊണ്ടുപോയതിനെ എതിരാളികൾ പരിഹസിച്ചപ്പോൾ അടുത്ത ദിവസം രാഹുലിന്റെ മറുപടിയെത്തി:’കട്ടിലുകളെടുക്കുന്ന പാവപ്പെട്ട കർഷകരെ ചിലർ മോഷ്ടാക്കളെന്ന് വിളിക്കുുമ്പോൾ മല്യയെപ്പോലെ കോടികൾ കട്ടവരെ കുടിശ്ശികക്കാരെന്നാണ് വിളിക്കുന്നത്്. അതോടെ പരിഹാസം തിരിച്ചടിക്കുമോ എന്ന ഭയത്തിലായി ബിജെപിയടക്കമുള്ളവർ.
മോദിയുടെ നിരന്തരമുള്ള വിദേശയാത്രകളെയും രാഹുൽ വെറുതെ വിടുന്നില്ല. ‘ മോദിജി തന്റെതായ ലോകത്ത് വളരെ ഹാപ്പിയാണ്. ഞാൻ നേരത്തെ പറഞ്ഞത് പോലെ, പൊതുജനം പൊറുതിമുട്ടിയിരിക്കുകയാണ്, എന്നാൽ മോദിജിയോ സന്തുഷ്ടനാണ്. അദ്ദേഹത്തിന്റെ ശ്രദ്ധ ഒന്നുകിൽ ജപ്പാനിലോ അല്ലെങ്കിൽ അമേരിക്കയിലോ ആണ്’.
‘എല്ലാവരുടെയും ബാങ്ക് അക്കൗണ്ടിൽ 15ലക്ഷമെത്തിക്കുമെന്നതായിരുന്നു മോദിയുടെ തെരഞ്ഞെടുപ്പു വാഗ്ദാനം. യുവാക്കൾക്ക് തൊഴിലും ബുള്ളറ്റ് ട്രെയിനുകളുമായിരുന്നു മറ്റു ഓഫറുകൾ. ചെറുപ്പക്കാർക്ക് 15 ലക്ഷം ലഭിച്ചോ? എപ്പോഴാണ് ബുള്ളറ്റ് ട്രെയിനുകളും യുവാക്കൾക്ക് തൊഴിലും ലഭിക്കുക. സാധാ ട്രെയിൻ ചാർജുകൾ വരെ വർധിപ്പിച്ചിരിക്കുകയാണ് അദ്ദേഹം’.
്അതിനിടയിൽ കർഷകർക്ക് യുപിയെ സർക്കാർ ചെയ്ത സേവനങ്ങൾ അവരെ ഓർമിപ്പിക്കാനും രാഹുൽ മറക്കുന്നില്ല: ‘ യു.പി.എ സർക്കാർ കർഷകരുടെ എഴുപത് ലക്ഷം കോടിയോളം കടം എഴുതിത്തള്ളുകയാണ് ചെയ്തത്. മോദി സർക്കാർ 1.10 ലക്ഷത്തോളം കോടി രൂപയുടെ കിട്ടാക്കടങ്ങൾ എഴുതിത്തള്ളിയിട്ടുണ്ട്. എന്നാലത് രാജ്യത്തെ 15ഓളം വരുന്ന കോർപറേറ്റുകളുടേതാണ്. തെരഞ്ഞെടുപ്പ് സമയത്ത് പരസ്യങ്ങൾക്കും പോസ്റ്ററുകൾക്കുമായി കോർപറേറ്റുകൾ നൽകിയ പണമാണ് മോദി എഴുതിത്തള്ളുന്നതെന്നും രാഹുൽ പറഞ്ഞു.
പ്രസംഗത്തിനിടയിൽ സംസ്ഥാനത്തെ പ്രബലകക്ഷികളായ എസ്പിയെയും ബിഎസ്പിയെയും കടന്നാക്രമിക്കാനും രാഹുൽ മറന്നക്കുന്നില്ല:’ കഴിഞ്ഞ തവണ ആനയെ ഒഴിവാക്കി യുപി ജനങ്ങൾ അധികാരത്തിലേറ്റിയ സൈക്കിൾ മുന്നോട്ടു പോവാതായെന്നും രാഹുൽ പരിഹസിച്ചു.
news
ഹോങ്കോങ്ങിലും സിംഗപ്പൂരിലും കോവിഡ് കേസുകള് വര്ധിക്കുന്നതായി റിപ്പോര്ട്ട്
ജനങ്ങളില് രോഗപ്രതിരോധ ശേഷി കുറഞ്ഞതാവാം വൈറസ് പടരാന് കാരണമെന്നാണ് സിംഗപ്പൂര് ആരോഗ്യമന്ത്രാലയം നല്കുന്ന സൂചന.

ഹോങ്കോങ്ങിലും സിംഗപ്പൂരിലും കോവിഡ് കേസുകള് വര്ധിക്കുന്നതായി റിപ്പോര്ട്ട്. നഗരത്തിലെ കോവിഡ്19 നിരക്ക് ഇപ്പോള് വളരെ ഉയര്ന്നതാണെന്ന് ഹോങ്കോങ്ങിലെ സെന്റര് ഫോര് ഹെല്ക്ക് പ്രൊട്ടക്ഷനിലെ കമ്മ്യൂണിക്കബിള് ഡിസീസ് ബ്രാഞ്ചിന്റെ തലവനായ ആല്ബര്ട്ട് ഓ പ്രാദേശിക മാധ്യമങ്ങളോട് പറഞ്ഞു.
മേയ് മൂന്ന് വരെ 31 ഗുരുതര കേസുകളാണ് റിപ്പോര്ട്ട് ചെയ്യപ്പെട്ടത്. കഴിഞ്ഞ രണ്ട് വര്ഷം റിപ്പോര്ട്ട് ചെയ്യപ്പെട്ട കേസുകളുടെ നിരക്ക് അത്ര കൂടുതലല്ലെങ്കിലും വൈറസ് പടരുന്നു എന്ന് തന്നെയാണ് കണക്കുകള് പറയുന്നത്. കോവിഡ് ലക്ഷണങ്ങളുമായി ആശുപത്രികളിലും ക്ലിനിക്കുകളിലും എത്തുന്നവരുടെ എണ്ണവും വര്ധിച്ചിട്ടുണ്ട്.
സിംഗപ്പൂരിലും കോവിഡ് കേസുകള് വര്ധിക്കുന്നതായാണ് റിപ്പോര്ട്ട്. മേയ് മൂന്നിന് അവസാനിച്ച ആഴ്ചയില് കോവിഡ് കേസുകള് മുന് ആഴ്ചയെ അപേക്ഷിച്ച് 28 ശതമാനം വര്ധിച്ചു. ിതോടെ രോഗികളുടെ എണ്ണം 14,200 ആയി. ജനങ്ങളില് രോഗപ്രതിരോധ ശേഷി കുറഞ്ഞതാവാം വൈറസ് പടരാന് കാരണമെന്നാണ് സിംഗപ്പൂര് ആരോഗ്യമന്ത്രാലയം നല്കുന്ന സൂചന. ഏഷ്യയുടെ വിവിധ ഭാഗങ്ങളില് കോവിഡ് കേസുകള് റിപ്പോര്ട്ട് ചെയ്യുന്നത് വര്ധിച്ചുവരികയാണ്. ചൈനയിലും പുതിയ കോവിഡ് തരംഗം രൂപപ്പെട്ടതായി ബ്ലൂംബര്ഗ് റിപ്പോര്ട്ട് ചെയ്തു.
Film
‘നരിവേട്ട’യെ കുറിച്ച് കൂടുതൽ അവകാശവാദങ്ങളൊന്നുമില്ലെന്ന് ടോവിനോ തോമസ്
സിനിമയുമായി ബന്ധപ്പെട്ട പ്രെസ്സ്മീറ്റിനിടയിൽ വെച്ചാണ് ടോവിനോ തോമസ് ഇതരത്തിലൊരു അഭിപ്രായം പങ്കു വെച്ചത്.

ടൊവിനോ തോമസ് നായകനായ നരിവേട്ട മെയ് ഇരുപത്തിമൂന്നിന് തിയേറ്ററുകളില് എത്തുന്ന സാഹചര്യത്തിൽ ചിത്രത്തെ കുറിച്ച് കൂടുതൽ അവകാശവാദങ്ങളൊന്നും പങ്ക് വെക്കുന്നില്ലെന്ന് വ്യക്തമാക്കിയിരിക്കുകയാണിപ്പോൾ ടോവിനോ തോമസ്. സിനിമയുമായി ബന്ധപ്പെട്ട പ്രെസ്സ്മീറ്റിനിടയിൽ വെച്ചാണ് ടോവിനോ തോമസ് ഇതരത്തിലൊരു അഭിപ്രായം പങ്കു വെച്ചത്.
‘ഇന്റർവ്യൂവിൽ പറഞ്ഞതിനേക്കാൾ ഉപരിയായി ഈ സിനിമയുടെ ആശയത്തെ കുറിച്ച് കൂടുതലായി ഇനിയൊന്നും പറയാനില്ല. ഇരുപത്തി മൂന്നിന് ഞങ്ങളുടെ സിനിമ തീയേറ്ററിലേക്കെത്തും. സിനിമയുടെ ക്വാളിറ്റിയിൽ പോലും കോംപ്രമൈസ്ഡാവാതിരിക്കാൻ വേണ്ടി ഞങ്ങളീ ദിവസങ്ങളിൽ പോലും ജോലി ചെയ്തു കൊണ്ടിരിക്കുകയാണ്. എല്ലാ ഡിപ്പാർട്ട്മെന്റിന്റെയും ജോലി കഴിഞ്ഞ് സെൻസറിങ്ങും കഴിഞ്ഞ് പടമിപ്പോൾ അപ്പ്ലോഡിങ് സ്റ്റേജിലാണ് ഉള്ളത്. ഈ സമയത്ത് വേറെ അവകാശവാദങ്ങൾ ഒന്നുമില്ല. നരിവേട്ടയുടെ ടീം നിങ്ങളെയൊക്കെ തീയേറ്ററുകളിലേക്ക് ക്ഷണിക്കുകയാണ്. സിനിമ കണ്ടു കഴിഞ്ഞാൽ പ്രേക്ഷകർക്കത് ഇഷ്ടപ്പെടുമെന്നുറപ്പുണ്ട്. സ്വഭാവികമായും അർഹിക്കുന്ന വിജയം പ്രേക്ഷകർ തന്നെ നേരിട്ട് നൽകുമെന്നാണ് വിശ്വാസം‘
എന്നാണ് ടോവിനോ വ്യക്തമാക്കിയത്. ഇൻഡ്യൻ സിനിമയുടെ ബാനറിൽ ടിപ്പു ഷാൻ, ഷിയാസ് ഹസൻ എന്നിവർ നിർമ്മിക്കുന്ന ഈ ചിത്രം അനുരാജ് മനോഹറാണ് സംവിധാനം ചെയ്യുന്നത്. നീതി നടപ്പാക്കുന്നവരുടേയും നീതിക്കായി കാത്തിരിക്കുന്നവരുടേയും വ്യക്തി ജീവിതത്തിന്റെ നിഴലാട്ടം കാട്ടിതരുന്ന ചിത്രം വലിയ മുതൽമുടക്കിൽ എല്ലാ വിഭാഗം പ്രേക്ഷകർക്കും ആസ്വദിക്കാവുന്ന വിധത്തിലുള്ള ക്ലീൻ എൻ്റർടൈനറായിട്ടാണ് അവതരിപ്പിക്കുന്നത്. സുരാജ് വെഞ്ഞാറമൂടും പ്രശസ്ത തമിഴ് സംവിധായകനും നടനുമായ ചേരനും ചിത്രത്തിലെ നിർണ്ണായകമായ കഥാപാത്രങ്ങളെ അവതരിപ്പിക്കുന്നുണ്ട്. ടൊവിനോ തോമസ്, സുരാജ് വെഞ്ഞാറമൂട്, ചേരൻ എന്നീ മൂന്നു പേരും പൊലീസ് കഥാപാത്രങ്ങളെ യാണ് ഈ ചിത്രത്തിൽ അവതരിപ്പിക്കുന്നത്. ആര്യാസലിം, റിനി ഉദയകുമാർ, സുധി കോഴിക്കോട് നന്ദു, പ്രശാന്ത് മാധവൻ, അപ്പുണ്ണി ശശി, എൻ.എം. ബാദുഷ, എന്നിവരും ഈ ചിത്രത്തിലെ പ്രധാന താരങ്ങളാണ്.
തിരക്കഥ- അബിൻ ജോസഫ്, എക്സിക്യൂട്ടീവ് പ്രൊഡ്യൂസർ- എൻ എം ബാദുഷ, ഛായാഗ്രഹണം- വിജയ്, സംഗീതം- ജേക്സ് ബിജോയ്, വരികൾ- കൈതപ്രം, എഡിറ്റർ- ഷമീർ മുഹമ്മദ്, ആർട്ട്- ബാവ, വസ്ത്രാലങ്കാരം- അരുൺ മനോഹർ, മേക്കപ്പ് – അമൽ സി ചന്ദ്രൻ, പ്രൊജക്റ്റ് ഡിസൈനർ- ഷെമിമോൾ ബഷീർ, പ്രൊഡക്ഷൻ ഡിസൈൻ- എം ബാവ, പ്രൊഡക്ഷൻ കൺട്രോളർ- സക്കീർ ഹുസൈൻ, സൗണ്ട് ഡിസൈൻ – രംഗനാഥ് രവി, പി ആർ ഒ & മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ, ചീഫ് അസ്സോസിയേറ്റ് ഡയറക്ടർ- രതീഷ് കുമാർ രാജൻ, സൗണ്ട് മിക്സ്- വിഷ്ണു പി സി, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്.
Film
‘എന്നും എപ്പോഴും കൂടെ നിന്നവർക്ക് നന്ദി’, 200 കോടിയും കടന്ന് ‘തുടരും’: മോഹൻലാൽ

മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത ചിത്രം ‘തുടരും’ 200 കോടി ക്ലബിൽ ഇടംപിടിച്ചു. ‘എന്നും എപ്പോഴും കൂടെ നിന്നവർക്ക് നന്ദി’ എന്ന പോസ്റ്റർ സമൂഹമാധ്യമങ്ങളിൽ പങ്കുവെച്ച് മോഹൻലാൽ തന്നെയാണ് ഇക്കാര്യം വ്യക്തമാക്കിയത്.
‘ചില യാത്രകള്ക്ക് വലിയ ശബ്ദങ്ങള് ആവശ്യമില്ല, മുന്നോട്ടുകൊണ്ടുപോകാന് ഹൃദയങ്ങള് മാത്രം മതി. കേരളത്തിലെ എല്ലാ ബോക്സ് ഓഫീസ് റെക്കോര്ഡുകളും തകര്ത്ത്, ലോകമെമ്പാടുമുള്ള ദശലക്ഷക്കണക്കിന് ഹൃദയങ്ങളില് ‘തുടരും’ ഇടംനേടി. സ്നേഹത്തിന് നന്ദി’, എന്ന കുറിപ്പോടെയാണ് മോഹൻലാൽ പോസ്റ്റർ പങ്കുവെച്ചത്.
200 കോടി ക്ലബിൽ ഇടം നേടുന്ന മൂന്നാമത്തെ മലയാള ചിത്രവും രണ്ടാമത്തെ മോഹൻലാൽ ചിത്രവുമാണ് തുടരും. ഏപ്രില് 25-ന് തീയേറ്ററുകളില് എത്തിയ ചിത്രം 17 ദിവസംകൊണ്ടാണ് 200 കോടി ആഗോളകളക്ഷന് നേടിയത്.
മോഹൻലാലിനെ നായകനാക്കി പ്രത്വിരാജ് സുകുമാരൻ സംവിധാനം ചെയ്ത ‘എമ്പുരാനും'(268 കോടി), ചിദംബരം എസ് പൊതുവാൾ സംവിധാനം ചെയ്ത ‘മഞ്ഞുമ്മൽ ബോയ്സ്’ (242 കോടി) എന്നിവയാണ് ഈ നേട്ടത്തിലെത്തിയ രണ്ടു സിനിമകൾ.
കേരളത്തിൽ ഏറ്റവും കൂടുതൽ കളക്ഷൻ നേടുന്ന ചിത്രമായി ചിത്രമായി ‘തുടരും’ കഴിഞ്ഞദിവസം മാറിയിരുന്നു. ടൊവിനോ തോമസ്- ജൂഡ് ആന്തണി ജോസഫ് ചിത്രം ‘2018’-നെ മറികടന്നാണ് ഈ നേട്ടം സ്വന്തമാക്കിയത്. 88 കോടിയയായിരുന്നു 2018ന്റെ കേരളത്തിലെ കളക്ഷൻ.
കെ.ആർ. സുനിലിനൊപ്പം തരുണുമാണ് തിരക്കഥ ഒരുക്കിയിരിക്കുന്നത്. ഷൺമുഖൻ എന്ന കഥാപാത്രമായിട്ടാണ് ചിത്രത്തിൽ മോഹൻലാൽ വേഷമിട്ടിരിക്കുന്നത്. ഒരു ടാക്സി ഡ്രൈവർ കഥാപാത്രമാണ് ചിത്രത്തിൽ മോഹൻലാലിൻ്റേത്. ലളിത എന്ന വീട്ടമ്മയായി നായികാ കഥാപാത്രമായി ശോഭന എത്തിയിരിക്കുമ്പോൾ ഫർഹാൻ ഫാസിൽ, മണിയൻപിള്ള രാജു, ബിനു പപ്പു, ഇർഷാദ് അലി, ആർഷ കൃഷ്ണ പ്രഭ, പ്രകാശ് വർമ, അരവിന്ദ് എന്നിവരും കഥാപാത്രങ്ങളായി ഉണ്ട്.
-
india2 days ago
‘സോഫിയ ഖുറേഷിയെ തീവ്രവാദിയുടെ സഹോദരിയെന്ന് വിളിച്ചവർ ഒരു നിമിഷം പോലും പദവിയിൽ തുടരാൻ അർഹതയില്ല’: ഷാഫി പറമ്പില്
-
News1 day ago
ട്രംപ് ഭരണകൂടം തടവിലാക്കിയ ഇന്ത്യന് വിദ്യാര്ത്ഥിയെ മോചിപ്പിക്കാന് ജഡ്ജി ഉത്തരവിട്ടു
-
kerala2 days ago
സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും; നാല് ജില്ലകളില് യെല്ലോ അലേര്ട്ട്
-
india2 days ago
‘ഞങ്ങള് രാഷ്ട്രത്തോടൊപ്പം നില്ക്കുന്നു’: ദേശീയ സുരക്ഷ ചൂണ്ടിക്കാട്ടി തുര്ക്കിയിലെ സര്വകലാശാലയുമായുള്ള കരാര് റദ്ദാക്കി ജെഎന്യു
-
india2 days ago
സോഫിയ ഖുറേഷിക്കെതിരായ വിവാദ പരാമര്ശം; വനിതാ കമ്മിഷനില് പരാതി നല്കി ദേശീയ വനിതാ ലീഗ്
-
kerala2 days ago
പള്ളിയിലെ കിടപ്പുമുറിയില് വൈദികനെ മരിച്ച നിലയില് കണ്ടെത്തി
-
india2 days ago
കേണല് സോഫിയ ഖുറേഷിക്കെതിരായ വിവാദ പരാമര്ശം; ബിജെപി മന്ത്രിക്കെതിരെ കേസെടുത്ത് മധ്യപ്രദേശ് ഹൈക്കോടതി
-
india2 days ago
രാഷ്ട്രപതിയും ഗവര്ണര്മാരും ബില്ലുകള് അംഗീകരിക്കുന്നതിന് സുപ്രീം കോടതിക്ക് സമയപരിധി നിശ്ചയിക്കാന് കഴിയുമോ?: ദ്രൗപതി മുര്മു