Video Stories
ബാങ്കുകളുടെ കിട്ടാക്കടം ആറു ലക്ഷം കോടി
ന്യൂഡല്‍ഹി: പൊതുമേഖലാ, സ്വകാര്യ ബാങ്കുകളുടെ കിട്ടാക്കടം ആറ് ലക്ഷം കോടിയിലധികം രൂപയെന്ന് കേന്ദ്ര സര്‍ക്കാര്‍. പാര്‍ലമെന്റിന്റെ ചോദ്യോത്തര വേളയില്‍ നല്‍കിയ മറുപടിയിലാണ് ഇക്കാര്യം പറയുന്നത്. 2016 ജൂണ്‍ മാസം വരെയുള്ള കണക്കുകള്‍ അനുസരിച്ചാണിത്. 49 സ്വകാര്യ, പൊതുമേഖലാ ബാങ്കുകള്‍ക്കാണ് ഇത്രയും തുക കിട്ടാക്കടമുള്ളത്. വീഴ്ച വരുത്തിയവരില്‍ പലരും വിന്‍കിടക്കാരാണ്. ഇവരുട പേര് കേന്ദ്ര സര്‍ക്കാര്‍ പുറത്തുവിട്ടിട്ടില്ല. പകരം ബാങ്കുകളുടെ പേരു വിവരങ്ങളും ഓരോ ബാങ്കുകള്‍ക്കും ലഭിക്കാനുള്ള കിട്ടാക്കടത്തിന്റെ കണക്കുകളും മാത്രമാണ് പുറത്തുവിട്ടിട്ടുള്ളത്.
പൊതുമേഖലാ ബാങ്കുകള്‍ക്ക് ലഭിക്കാനുള്ള 20 കിട്ടാക്കടങ്ങള്‍ മാത്രം 1.54 ലക്ഷം കോടി രൂപ വരുമെന്നാണ് കണക്ക്. അസറ്റ്‌സ്(മൂലധനം) എന്നാണ് ബാങ്കുകള്‍ നല്‍കുന്ന വായ്പയെ വിശേഷിപ്പിക്കുന്നത്. ഇതിന് ലഭിക്കേണ്ട തിരിച്ചടവ് ഗഡുക്കളും പലിശയുമാണ് ബാങ്കുകളുടെ റവന്യൂ(വരുമാനം). നിശ്ചിത തീയതിക്കകം തിരിച്ചടക്കാത്ത തുകകളെയാണ് ബാങ്കുകള്‍ ബാഡ് ലോണ്‍ (വായ്പാ കുടിശ്ശിക) ഗണത്തില്‍ പെടുത്തുന്നത്. വീഴ്ച വരുത്തി 90 ദിവസം പിന്നിട്ടിട്ടും തിരിച്ചടക്കാതെ വരുമ്പോഴാണ് ഇവയെ നോണ്‍ പെര്‍ഫോമിങ് അസറ്റ്‌സ്- എന്‍.പി.എ അഥവാ കിട്ടാക്കടത്തില്‍ ഉള്‍പെടുത്തുന്നത്. വായ്പ നല്‍കിയ തുകയും കിട്ടാക്കടവും തമ്മിലുള്ള അനുപാതം കണക്കാക്കിയാണ് ബാങ്കുകളുടെ കാര്യക്ഷമത വിലിയിരുത്തുന്നത്.
കിട്ടാക്കടവും വായ്പയും തമ്മിലുള്ള അനുപാതം കൂടുതല്‍ ഓവര്‍സീസ് ബാങ്കിലാണ്. മൊത്തം വായ്പാ തുകയുടെ 20.26 ശതമാനം വരും ഇവിടെ കിട്ടാക്കടം. യൂക്കോ ബാങ്ക് ആണ് (18.66 ശതമാനം) രണ്ടാം സ്ഥാനത്ത്. ബാങ്ക് ഓഫ് ഇന്ത്യ (16.01 ശതമാനം) മൂന്നാം സ്ഥാനത്തും. ഏറ്റവും കൂടുതല്‍ തുക കിട്ടാക്കടമുള്ളത് സ്റ്റേറ്റ് ബാങ്ക് ഓഫ് ഇന്ത്യക്കാണ്. 93,000 കോടി രൂപ. രണ്ടാം സ്ഥാനത്ത് പഞ്ചാബ് നാഷണല്‍ ബാങ്കാണ്- 55,000 കോടി രൂപ. ബാങ്ക് ഓഫ് ഇന്ത്യയാണ് (44,000 കോടി) മൂന്നാം സ്ഥാനത്ത്. ലോഹം, ലോഹ ഉത്പന്നങ്ങള്‍ എന്നിവയുമായി ബന്ധപ്പെട്ട വ്യവസായ മേഖലയാണ് വായ്പാ തിരിച്ചടവില്‍ കൂടുതല്‍ വീഴ്ച വരുത്തിയിട്ടുള്ളത്. 4.33 ലക്ഷം കോടി രൂപയാണ് ഈ മേഖലക്ക് നല്‍കിയ വായ്പാതുക. കിട്ടാക്കടം 1.49 ലക്ഷം കോടി രൂപയും. ടെക്‌സ്റ്റയില്‍ മേഖല, ബീവറേജസ് (ചായ, കാപ്പി ഒഴികെ), പുകയില ഉത്പന്നങ്ങള്‍ തുടങ്ങിയവയാണ് കിട്ടാക്കടത്തില്‍ രണ്ടാം സ്ഥാനത്തു നില്‍ക്കുന്നത്. 17 ശതമാനത്തോളം വരും ഇത്.
സര്‍ഫാസി ആക്ട് ആണ് കിട്ടാക്കടം തിരിച്ചുപിടിക്കുന്നതിനുള്ള ബാങ്കുകളുടെ പ്രധാന ആയുധം. വായ്പാ തിരിച്ചടവില്‍ വീഴ്ച വരുത്തിയവരുടെ ഉടമസ്ഥതയിലുള്ള സ്വത്തു വകകള്‍ കണ്ടു കെട്ടുന്നതിന് ബാങ്കുകള്‍ക്ക് അധികാരം നല്‍കുന്ന നിയമമാണിത്. സര്‍ഫാസി നിയമം അനുസരിച്ച് 2015-16 സാമ്പത്തിക വര്‍ഷത്തില്‍ 64,519 സ്വത്തു വകകള്‍ കണ്ടുകെട്ടിയതായി കണക്കുകള്‍ പറയുന്നു. ഈ വര്‍ഷം ജൂണ്‍ വരെയുള്ള കണക്ക് അനുസരിച്ച് 33,928 സ്വത്തു വകകളും കണ്ടുകെട്ടി.
Video Stories
കഞ്ചാവ് വേണ്ടവര്‍ 500 നൽകണം; പണപ്പിരിവ് പൊലീസിനെ അറിയിച്ച് പോളിടെക്‌നിക് കോളേജിലെ വിദ്യാര്‍ഥികളില്‍ ചിലര്‍
യൂണിയന്‍ ജനറല്‍ സെക്രട്ടറിയും എസ്എഫ്‌ഐ പ്രവര്‍ത്തകനുമായ അഭിരാജ് മൂന്നാം വര്‍ഷം എന്‍ജിനീയറിംഗ് വിദ്യാര്‍ഥിയാണ്.
-
india3 days agoധനമന്ത്രിയുമായുള്ള ചര്ച്ചയിലും ആശവര്ക്കര്മ്മാരെ തഴഞ്ഞ് മുഖ്യമന്ത്രി
-
News3 days agoപാകിസ്താനില് ട്രെയിന് ആക്രമിച്ച് ബന്ദികളാക്കിയവരില് 104 പേരെ മോചിപ്പിച്ചു; 30 സുരക്ഷാ ഉദ്യോഗസ്ഥരും 16 ബിഎല്എ അംഗങ്ങളും കൊല്ലപ്പെട്ടു
-
News3 days agoറഷ്യ -യുക്രൈന് യുദ്ധം; ഇടക്കാല വെടിനിര്ത്തലിന് സന്നദ്ധത അറിയിച്ച് യുക്രൈൻ
-
Film3 days agoവ്യസനസമേതം ബന്ധുമിത്രാദികൾ എത്തുന്നു. ഫസ്റ്റ് ലുക്ക്‌ പുറത്ത്
-
kerala2 days agoബസില് കഞ്ചാവുമായി വന്ന യുവതി മുത്തങ്ങ ചെക്ക് പോസ്റ്റില് പിടിയില്
-
india3 days agoഹോളി ആഘോഷം: യുപിയില് 70 മുസ്ലിം പള്ളികൾ ടാർപോളിൻ കൊണ്ട് മൂടിക്കെട്ടി
-
india3 days agoപാര്ലമെന്റില് പ്രതിഷേധം കടുപ്പിക്കാന് ഒരുങ്ങി പ്രതിപക്ഷം
-
kerala3 days agoഇനി ‘കേരളത്തിന് മാറ്റം വരണമെങ്കില് യുഡിഎഫ് ഭരണത്തില് വരണം’: ഷാഫി പറമ്പില്