കോയമ്പത്തൂർ നേച്ചർ സയൻസ് ഫൗണ്ടേഷൻ്റെ 2022 – 2023 യുവ ശാസ്ത്രജ്ഞ പുരസ്കാരം ഡോ. കെ ശ്രീധരൻ നേടി. പാലക്കാട് കൊടുവായൂർ പുല്ലറോഡ് വീട്ടിൽ പരേതരായ കാശുവിന്റെയും കമലത്തിന്റെയും മകനാണ്. കോയമ്പത്തൂരിലെ നെഹ്‌റു ആർട്സ് ആൻഡ് സയൻസ് കോളേജിൽ വെച്ച് നടന്ന അഞ്ചാമത് സമ്മേളനത്തിൽ വെച്ച് തമിഴ്നാട് സെൻട്രൽ യൂണിവേഴ്സിറ്റി വൈസ് ചാൻസലർ പ്രൊഫ. എം. കൃഷ്ണൻ പുരസ്കാരം വിതരണം ചെയ്തത്. കേരള സംസ്ഥാന ജൈവവൈവിധ്യ ബോർഡിൽ റിസർച്ച് ഓഫീസർ ആയ ഡോ. ശ്രീധരന് 2007-ൽ കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിൽ സംഘടിപ്പിച്ച കേരള ശാസ്ത്ര സമ്മേളനത്തിൽ യുവ ശാസ്ത്രജ്ഞനുള്ള പുരസ്കാരം ലഭിച്ചിട്ടുണ്ട്. പരിസ്ഥിതി ശാസ്ത്രം, ജൈവ വൈവിധ്യ സംരക്ഷണം, പ്രകൃതി വിഭവ പരിപാലനം, എന്നിവയിൽ നൽകിയ സംഭാവനകൾ പരിഗണിച്ചാണ് പുരസ്‌കാരത്തിന് അർഹനായത്.’