കോഴിക്കോട്: മുസ്‌ലിം യൂത്ത് ലീഗ് ദക്ഷിണ മേഖല സമ്മേളനത്തിന്റെ സംഘാടക സമിതി രൂപീകരണ യോഗം 23ന് ആലപ്പുഴയില്‍ നടക്കും. ഉച്ചതിരിഞ്ഞ് മൂന്നിന് ലീഗ് ഹൗസില്‍ നടക്കുന്ന യോഗത്തില്‍ മുസ്‌ലിം ലീഗ് സംസ്ഥാന നേതാക്കള്‍ സംബന്ധിക്കും. സ്വത്വരാഷ്ട്രീയം, സാമൂഹ്യ പുരോഗതിക്ക് എന്ന പ്രമേയത്തില്‍ മാര്‍ച്ച് 26ന് ആലപ്പുഴയിലാണ് സമ്മേളനം. യോഗത്തില്‍ എറണാകുളം മുതല്‍ തിരുവനന്തപുരം വരെയുള്ള ജില്ലാ മുസ്‌ലിം ലീഗ് പ്രസിഡന്റ്, ജന. സെക്രട്ടറിമാര്‍ പങ്കെടുക്കണമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും ജന. സെക്രട്ടറി പി.കെ ഫിറോസും അഭ്യര്‍ത്ഥിച്ചു. ദക്ഷിണ കേരളത്തിലെ മുസ്‌ലിം ലീഗ് പോഷക ഘടകങ്ങളുടെ ജില്ലാ പ്രസിഡന്റ്, ജന. സെക്രട്ടറിമാര്‍ മുസ്‌ലിം യൂത്ത് ലീഗ് ജില്ല ഭാരവാഹികള്‍ ആലപ്പുഴ ജില്ല പ്രവര്‍ത്തക സമിതി അംഗങ്ങള്‍ എന്നിവര്‍ യോഗത്തില്‍ സംബന്ധിക്കണം.