കോഴിക്കോട് : നിരവധി പേരുടെ മരണത്തിനിടയാക്കിയ വയനാട് ഉരുൾപൊട്ടൽ മേഖല മുസ്ലിം യൂത്ത് ലീഗ് നേതാക്കൾ സന്ദർശിച്ചു. സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങൾ, ജനറൽ സെക്രട്ടറി പി കെ ഫിറോസ്, ട്രഷറർ പി ഇസ്മായിൽ, സെക്രട്ടറി ടി പി എം ജിഷാൻ, ദേശീയ ഓർഗനൈസിംഗ് സെക്രട്ടറി ടി പി അഷ്റഫലി, എം എസ് എഫ് ദേശീയ പ്രസിഡണ്ട് അഹമ്മദ് സാജു, മുസ്ലിം യൂത്ത് ലീഗ് ജില്ലാ പ്രസിഡണ്ട് എം പി നവാസ്, ജനറൽ സെക്രട്ടറി സി എച്ച് ഫസൽ തുടങ്ങിയവരാണ് സംഘത്തിൽ ഉണ്ടായിരുന്നത്.
ദുരന്ത ഭൂമിയിൽ കണ്ട കാഴ്ച്ചകൾ ഏറെ വേദനാജനകമാണെന്നും രക്ഷാ പ്രവർത്തനങ്ങൾ പരമാവധി നടക്കുന്നുണ്ടെന്നും നേതാക്കൾ പറഞ്ഞു. ദുരന്ത ഭൂമിയിലെത്തിയ മുനവ്വറലി ശിഹാബ് തങ്ങൾ മയ്യത്ത് നിസ്കാരത്തിന് നേതൃത്വം നൽകി. ഉരുൾപൊട്ടിയ പ്രദേശത്ത് രക്ഷാപ്രവർത്തനങ്ങൾ ഏകോപിപ്പിക്കുന്നതിന് നേതാക്കളുടെ സാന്നിധ്യത്തിൽ വൈറ്റ് ഗാർഡിൻ്റെ അടിയന്തിര യോഗം ചേരുകയും തീരുമാനങ്ങളെടുക്കുകയും ചെയ്തു.
ദുരിതാശ്വാസ ക്യാമ്പുകൾ സന്ദർശിച്ച നേതാക്കൾ സംഭവ സ്ഥലത്തുള്ള മന്ത്രിമാർ, ജനപ്രതിനിധികൾ, കലക്ടർ തുടങ്ങിയവരുമായി കൂടികാഴ്ച്ച നടത്തി ആശ്വാസ പ്രവർത്തനങ്ങൾക്കാവശ്യമായ പരിപൂർണ്ണ പിന്തുണയും അറിയിച്ചു.