കെ.എസ്.ആര്‍.ടി.സി ബസിന് അടയില്‍പെട്ട് ബൈക്ക് യാത്രക്കാരായ യുവാക്കള്‍ മരിച്ച സംഭവത്തില്‍ ഉയര്‍ന്ന് വരുന്ന ആരോപണം അന്വേഷിക്കാന്‍ പ്രത്യേക സംഘത്തെ നിയോഗിച്ചു.പാലക്കാട് എസ്പിയാണ് പ്രത്യേക സംഘത്തെ നിയോഗിച്ചത്.കുഴല്‍മന്ദം സിഐയുടെ നേത്യത്വത്തിലാണ് അന്വേഷണ സംഘം.
ഇതുമായി ബന്ധപ്പെടുത്തി അടുത്ത ദിവസങ്ങളില്‍ മരിച്ച യുവാക്കളുടെ ബഡുക്കള്‍,ബസിലുണ്ടായിരുന്ന യാത്രക്കാര്‍ എന്നിവരുടെ മൊഴിയെടുക്കും.
അതേസമയം കുഴല്‍മന്ദം വെള്ളപ്പാറയില്‍ വാഹനാപകടത്തില്‍ മരണത്തിനിടയാക്കിയ സംഭവത്തില്‍ കെ.എസ്.ആര്‍.ടി.സി ഡ്രൈവര്‍ക്കെതിരെ യുവാക്കളുടെ കുടുംബം രംഗത്ത്. അപകടത്തില്‍ മരണമടഞ്ഞ കാസര്‍ഗോഡ് സ്വദേശി സമ്പിത്തിന്റെ സഹോദരനാണ് ഇതുസംബന്ധിച്ച് പരാതിയുമായി രംഗത്തുവന്നത്. പാലക്കാട് നിന്ന് കാവശേരിയിലേക്കുള്ള വഴിയില്‍ വെച്ച് ബസ് ഡ്രൈവറും യുവാക്കളും തമ്മില്‍ തര്‍ക്കമുണ്ടായെന്നും ഇതിലെ പകയാണ് ബസിടിച്ച് ബൈക്ക് തെറിപ്പിക്കാന്‍ കാരണമെന്നും സഹോദരന്‍ ആരോപിക്കുന്നത്.
ഇതുസംബന്ധിച്ച് കുഴല്‍മന്ദം പൊലീസില്‍ പരാതി നല്‍കും. വഴിയില്‍വെച്ച് തര്‍ക്കമുണ്ടായിരുന്നുവെന്ന് ബസിലെ യാത്രക്കാരും വഴിയിലുണ്ടായിരുന്നവരും പോലീസില്‍ മൊഴി നല്‍കിയിരുന്നു. ഫെബ്രുവരി ഏഴിനായിരുന്നു പാലക്കാടുനിന്ന് എറണാകുളത്തേക്ക് സര്‍വീസ് നടത്തിയ കെ.എസ്. ആര്‍.ടി.സി ബസ് അപകടത്തില്‍പ്പെട്ട് ബൈക്ക് യാത്രക്കാരായ യുവാക്കള്‍ മരിച്ചത്.