ഗുജറാത്തില്‍ സാന്താക്ലോസിന്റെ വേഷം ധരിച്ചതിന് യുവാവിനെതിരെ തീവ്രഹിന്ദുത്വ സംഘടനയുടെ മര്‍ദനം. ഗുജറാത്ത് വഡോദര മകര്‍പുര ഏരിയയിലെ റെസിഡന്‍ഷ്യല്‍ കോളനിയില്‍ലാണ് സംഭവം. ശശികാന്ത് ദാബി എന്ന യുവാവിനാണ് മര്‍ദനമേറ്റത്. ഡിസംബര്‍ 20ന് സാന്താക്ലോസിന്റെ വേഷം ധരിച്ച യുവാവിനെ ഹിന്ദുത്വ ആള്‍ക്കൂട്ടം മര്‍ദ്ദിക്കുകയായിരുന്നു.
സാന്താക്ലോസിന്റെ വേഷം ധരിച്ച് ശശികാന്ത് ക്രിസ്മസ് ഘോഷയാത്രയില്‍ പങ്കെടുത്തിരുന്നു. അതിനിടെയാണ് ഇത് ഹിന്ദു ആധിപത്യമുള്ള പ്രദേശമാണെന്നും ക്രിസ്മസ് പോലെയുള്ള ആഘോഷങ്ങള്‍ പാടില്ലെന്നും ഭീഷണിപ്പെടുത്തി ഒരു സംഘം ദാബിയെ ആക്രമിച്ചത്. ഒരു സ്ത്രീയടക്കം നാല് പേര്‍ക്ക് പരിക്കേറ്റു. അക്രമികള്‍ക്കെതിരെ ദാബി പരാതി നല്‍കി. അന്വേഷണം നടക്കുകയാണെന്ന് പൊലീസ് അറിയിച്ചു.