റോഡ്ക്യാമറ വാഹനാപകടങ്ങള്‍ കുറക്കാനാണെന്നാണ് വെയ്‌പെങ്കിലും ദാമ്പത്യഅപകടങ്ങള്‍ കൂട്ടുമോ എന്നാണ് പലരുടെയും പേടി. ഭാര്യയുടെസ്‌കൂട്ടറില്‍ മറ്റൊരു യുവതിയുമായി ഭര്‍ത്താവ് പോയത് പിടികൂടിയത് റോഡ് ക്യാമറ. ഭാര്യയുടെ വിലാസത്തിലേക്ക് സന്ദേശം വന്നതോടെയാണ് സംഗതി കാര്യമായത്. ഭാര്യ ചോദ്യം ചെയ്തപ്പോള്‍ വഴിയാത്രക്കാരിക്ക് ലിഫ്റ്റ് നല്‍കിയതാണെന്ന് ഭര്‍ത്താവ്. ഒടുവില്‍ തര്‍ക്കവും തല്ലും പിടിയും.3 വയസ്സുള്ള കുഞ്ഞിനും കിട്ടി മര്‍ദനം മര്‍ദനത്തിന് പോലീസില്‍ പരാതിപ്പെട്ടിരിക്കുകയാണ് ഭാര്യ. തിരുവനന്തപുരത്താണെങ്കിലും കേരളത്തിലെല്ലായിടത്തും നടക്കാവുന്ന സംഭവം. ഹെല്‍മില്ലാത്തതിനാണത്രെ ക്യാമറ പിടിച്ചത്. ഏതായാലും അഴിമതിക്കപ്പുറം കുടുംബകലഹത്തിനും വകുപ്പുകളുണ്ടാക്കിയിട്ടുണ്ട് പിണറായിസര്‍ക്കാരിന്റെ ഗതാഗതപരിഷ്‌കാരം. ഇനിയാരൊക്കെയാണ് കുടുങ്ങുക എന്ന് കണ്ടറിയുകതന്നെ!