കോഴിക്കോട്: കോഴിക്കോട് കാരന്തൂര് മര്ക്കസ് ആര്ട്സ് കോളേജ് മൈതാനത്ത് കോളേജ് വിദ്യാര്ഥികളുടെ അഭ്യാസപ്രകടനം. കാറുകളില് വിവിധ രാജ്യങ്ങളുടെ പതാക ഏന്തിയാണ് അഭ്യാസങ്ങള് പ്രകടനം കാട്ടിയത്. ഫുട്ബോള് ആരാധകരായ വിദ്യാര്ഥികളാണ് ബുധനാഴ്ച ഉച്ചയ്ക്ക് മൈതാനത്ത് അപകടകരമായ രീതിയില് അഭ്യാസപ്രകടനം നടത്തിയത്. കാറുടമകള്ക്കായി മോട്ടോര് വാഹന വകുപ്പ് അന്വേഷണം തുടങ്ങിയിട്ടുണ്ട്.