പുതിയ പാർലമെന്റ് മന്ദിരത്തിന്റെ ഉത്ഘാടന ദിവസം സമാനതകളില്ലാത്ത പ്രതിഷേധ സമരത്തിനാണ് ഡൽഹി സാക്യം വഹിക്കുന്നത്.ലൈംഗിക പീഡനകേസിൽ ദേശീയ ഗുസ്തി ഫെഡറേഷൻ അധ്യക്ഷനും ബിജെപി എം പി യുമായ ബ്രിജ് ഭൂഷൺ സിംഗിനെ അറസ്റ്റ് ചെയ്യാത്തതിൽ പ്രതിഷേധിച്ച്
ഡൽഹിയിൽ ഗുസ്തി താരങ്ങളും അവരെ പിന്തുണച്ച് കർഷകരും പ്രതിഷേധം ശക്തമാക്കി. പുതിയ പാർലമെന്റ് മന്ദിരത്തിലേക്കുള്ള പ്രതിഷേധക്കാരുടെ മാർച്ച് ജന്തർ മന്ദറിൽ ഡൽഹി പോലീസ് തടഞ്ഞു.സമരം ഒരു മാസം തികയുമ്പോഴും ബ്രിജ് ഭൂഷണിനെതിരെ നടപടിയെടുക്കാന്‍ ഡൽഹി പൊലീസ് തയാറായിട്ടില്ല.അറസ്റ്റ് ചെയ്തില്ലെങ്കിൽ ഉദ്ഘാടന ദിവസം തന്നെ പുതിയ പാർലമെന്റ് വളപ്പിൽ വനിതാ മഹാ പഞ്ചായത്ത് നടത്തുമെന്ന് കർഷക സംഘടനകൾ മുന്നറിയിപ്പ് നൽകിയിരുന്നു