ഗുസ്തി താരങ്ങള്‍ക്ക് വിദേശ പരിശീലനത്തിന് അനുമതി നല്‍കി കേന്ദ്ര കായികമന്ത്രാലയം. ബജ്‌രംഗ് പുനിയയ്ക്കും സാക്ഷി മാലിക്കിനും വിദേശത്ത് പോകാം. താരങ്ങളുടെ അപേക്ഷ സ്വീകരിച്ചു. പരിശീലനം കിര്‍ഗിസ്ഥാനിലും ഹംഗറിയിലുമാണ്. താരങ്ങള്‍ ജൂലൈ ആദ്യ വാരം വിദേശത്തേക്ക് തിരിക്കും. പരിശീലകന്‍ അടക്കം 7 പേര്‍ക്ക് ഒപ്പം പോകാനും അനുമതിയുണ്ട്.
ഇതിന്റെ ചിലവ് കേന്ദ്ര സര്‍ക്കാര്‍ വഹിക്കും. ഏഷ്യന്‍ ഗെയിംസും ലോക ചാമ്പ്യന്‍ഷിപ്പും ലക്ഷ്യമിട്ടാണ് പരിശീലനം. ജൂലൈ ഒന്ന് മുതല്‍ ഓഗസ്റ്റ് അഞ്ച് വരെ ബജ്‌റംഗ് പുനിയ കിര്‍ഗിസ്ഥാനില്‍ പരിശീലനം നടത്തും. വിനേഷ് തുടക്കത്തില്‍ കിര്‍ഗിസ്ഥാനിലും പിന്നീട് ഹംഗറിയിലെ ബുഡാപെസ്റ്റിലും പരിശീലനം തുടരും.