ഏകദിന ലോകകപ്പിലെ സൂപ്പർ പോരാട്ടത്തിൽ പാകിസ്താനെ എറിഞ്ഞിട്ട് ഇന്ത്യ. പാക്കിസ്ഥാനെതിരെ ഇന്ത്യക്ക് 7 വിക്കറ്റ് വിജയം.ഈ ലോകകപ്പിലെ ഇന്ത്യയുടെ തുടർച്ചയായ മൂന്നാം ജയമാണിത്.പാക്കിസ്ഥാൻ ഉയർത്തിയ 192 റൺസ് വിജയലക്ഷ്യം ഇന്ത്യ 30.3 ഓവറിൽ 3 വിക്കറ്റു നഷ്ടത്തിൽ മറികടന്നു.ഇന്ത്യൻ നായകൻ രോഹിത് ശർമ അർധ സെഞ്ച്വറി നേടി. 63 പന്തിൽ 86 റൺസെടുത്താണ് രോഹിത് പുറത്തായത്.അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ടോസ് നഷ്ടപ്പെട്ട പാകിസ്താൻ ആദ്യം ബാറ്റിങ്ങിന് നിയോഗിക്കപ്പെടുകയായിരുന്നു. 42.5 ഓവറിൽ പാകിസ്താൻ വെറും 191 റൺസിന് ഓൾ ഔട്ടായി. ഇന്ത്യയ്ക്കായി പന്തെറിഞ്ഞവരിൽ ഷർദുൾ താക്കൂർ ഒഴികെ എല്ലാവരും രണ്ട് വിക്കറ്റെടുത്തു.