ലോക ചെസ് ചാംപ്യന്‍ഷിപ്പ് ഫൈനലിലെ ആറാം പോരാട്ടവും സമനിലയില്‍. നിലവിലെ ലോക ചാംപ്യന്‍ ചൈനയുടെ ഡിങ് ലിറനും ഇന്ത്യയുടെ ഡി ഗുകേഷുമാണ് ലോക ചാംപ്യന്‍ കിരീടത്തിനു വേണ്ടി പോരാടുന്നത്. ആറാം അങ്കവും കഴിഞ്ഞതോടെ രണ്ടു താരങ്ങള്‍ക്കും 3 പോയിന്റുകള്‍ വീതമാണുള്ളത്. എന്നാല്‍ ആകെ 7.5 പോയിന്റാണ് ലോക കിരീടത്തിനു വേണ്ടത്. ഇരുവര്‍ക്കും ശേഷിക്കുന്ന എട്ട് റൗണ്ടില്‍ നിന്നു 4.5 പോയിന്റുകളാണ് കിരീടം സ്വന്തമാക്കണമെങ്കില്‍ ആവശ്യമുള്ളത്.
ആറാം പോരാട്ടത്തില്‍ ഗുകേഷ് കറുത്ത കരുക്കളുമായാണ് അംഗത്തിനിറങ്ങിയത്. 46 നീക്കങ്ങള്‍ക്കൊടുവില്‍ മത്സരം സമനിലയില്‍ അവസാനിക്കുകയായിരുന്നു.
ഒന്നാം പോരാട്ടത്തില്‍ ഡിങ് ലിറന്‍ ജയം കമ്‌ടെങ്കിലും മൂന്നാം മത്സരത്തില്‍ ഗുകേഷ് ജയം പിടിച്ച് ഒപ്പമെത്തി. രണ്ടാം പോരാട്ടം ഇരുവരും സമനിലയിലായിരുന്നു പിരിഞ്ഞത്. നാലും അഞ്ചും ആറും പോരാട്ടം ഒപ്പത്തിനൊപ്പം നിന്നത്. ശേഷിക്കുന്ന മത്സരങ്ങള്‍ ഇരു താരങ്ങള്‍ക്കും വാശിയേറിയതാണ്.