മുകേഷിന് പിന്തുണയുമായി വനിതാ കമ്മീഷൻ. രാജിവെക്കേണ്ടതില്ല എന്ന് വനിതാ കമ്മീഷൻ അധ്യക്ഷ പി സതീദേവി പറഞ്ഞു. കേസിൽ പ്രതിചേർക്കപ്പെട്ട കാരണത്താൽ എംഎൽഎ സ്ഥാനം രാജിവെക്കേണ്ടതില്ലെന്ന് സതീദേവി വ്യക്തമാക്കി. അതേസമയം സിദ്ദിഖിനെ അറസ്റ്റു ചെയ്യാനായി ജാഗ്രതയോടെ ഇടപെടൽ നടക്കുന്നുവെന്നും വനിതാ കമ്മീഷൻ അധ്യക്ഷ.
ദേശീയ വനിതാ കമ്മീഷന്‍ വരുന്ന കാര്യം അറിയിച്ചിരുന്നുവെന്നും ടെലിഫോണില്‍ ബന്ധപ്പെട്ടാണ് അറിയിച്ചതെന്നും വനിതാ കമ്മീഷന്‍ അധ്യക്ഷ പറഞ്ഞു. ഇന്ന് വൈകിട്ട് അവിടെ എത്തും എന്നാണ് പറഞ്ഞത്. എന്താണ് സന്ദര്‍ശന ലക്ഷ്യം എന്ന കാര്യം വ്യക്തമല്ല. ഹേമ കമ്മിറ്റിയാണോ സന്ദര്‍ശന വിഷയം എന്നറിയില്ല. സംസ്ഥാന വനിതാ കമ്മീഷന്റെ പ്രവര്‍ത്തനങ്ങളെ കുറിച്ച് അവരോട് വ്യക്തമാക്കും – പി സതീദേവി വ്യക്തമാക്കി.