തൊഴിലുറപ്പ് തൊഴിലാളി വയനാട്ടില്‍ വെട്ടേറ്റ് മരിച്ചു

വയനാട്ടിലെ മാനന്തവാടിയില്‍ തൊഴിലുറപ്പ് തൊഴിലാളി വെട്ടേറ്റ് മരിച്ചു. മാനന്തവാടിലെ തവിഞ്ഞാലിലാണ് സംഭവം. പ്രശാന്തിഗിരി സ്വദേശി സിനി (31) ആണ് കൊല്ലപ്പെട്ടത്.

വീടിനുള്ളില്‍ വെട്ടേറ്റ് മരിച്ച നിലയിലാണ് യുവതിയുടെ മൃതദേഹം കണ്ടെത്തിയത്. തൊഴിലുറപ്പ് ജോലിക്കിടെ ഭക്ഷണം കഴിക്കാന്‍ വീട്ടിലേക്ക് പോയി തിരിച്ച് വരാത്തതിനെത്തുടര്‍ന്ന് സഹപ്രവര്‍ത്തകര്‍ നടത്തിയ തിരച്ചിലിനിടെയാണ് വീടിനകത്ത് മൃതദേഹം കണ്ടെത്തിയത്.സംഭവത്തില്‍ അയല്‍വാസി നെടുമല ദേവസ്യയെ (50) പൊലീസ് കസ്റ്റഡിയിലെടുത്തു.