കോട്ടയത്ത് വീടിന് തീപിടിച്ച് വീട്ടമ്മ മരിച്ചു. മണിമലയില്‍ ഹോളി മാഗി ഫെറോണ പള്ളിക്കു പിന്നിലുള്ള വീട്ടിലാണ് രാത്രി 12.30ന് തീപിടിച്ചത്. സംഭവത്തില്‍ പാറവിളയില്‍ സെല്‍വരാജന്റെ ഭാര്യ രാജം (70) ആണ് മരിച്ചത്. പൊള്ളലേറ്റ ഭര്‍ത്താവ് സെല്‍വരാജനെയും (76) രക്ഷപ്പെടാന്‍ മുകള്‍നിലയില്‍ നിന്ന് താഴേക്ക് ചാടിയ മകന്‍ വിനീഷിനേയും (30) പരുക്കുകളോടെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
താഴത്തെ നിലയില്‍ നിന്നാണ് തീ പടര്‍ന്നത്. മുകള്‍ നിലയിലുണ്ടായിരുന്ന വിനീഷിന്റെ ഭാര്യയും 2 മക്കളും രക്ഷപ്പെട്ടു. വിനീഷ് ഭാര്യയെയും കുഞ്ഞുങ്ങളെയും രക്ഷപ്പെടുത്തിയ ശേഷം മുകള്‍ നിലയില്‍ നിന്ന് താഴേക്കു ചാടിയത്. ഇടുങ്ങിയ വഴിയായതിനാല്‍ അപകടം നടന്ന വീട്ടിലേക്ക് ഫയര്‍ഫോഴ്‌സിന് എത്താന്‍ പ്രയാസമായി.