വനിതായാത്രക്കാരി വിമാനത്തില്‍ മൂത്രമൊഴിക്കുന്ന ദൃശ്യം പുറത്ത്. രണ്ട് മണിക്കൂറോളം ശുചിമുറി ഉപയോഗിക്കുന്നതില്‍ നിന്ന് ജീവനക്കാര്‍ അനുമതി നിഷേധിച്ചതിനെത്തുടര്‍ന്നാണെന്ന് യുവതി ആരോപണം ഉന്നയിച്ചിട്ടുണ്ട്.
ഈ മാസം 20ന് അമേരിക്ക ആസ്ഥാനമായുള്ള ‘സ്പിരിറ്റ് എയര്‍ലൈന്‍സ്’ വിമാനത്തിലാണ് സംഭവം. വിമാനം പറന്നുയര്‍ന്ന് മണിക്കൂറുകള്‍ പിന്നിട്ടിട്ടും ബാത്ത്‌റൂം ഉപയോഗിക്കാന്‍ അനുവദിച്ചില്ലെന്നാണ് ആഫ്രിക്കന്‍-അമേരിക്കന്‍ യുവതി അവകാശപ്പെടുന്നത്. രണ്ട് മണിക്കൂറിലധികം കാത്തിരുന്നിട്ടും ബാത്ത്‌റൂം തുറന്നു നല്‍കിയില്ല. അധികനേരം പിടിച്ചുനില്‍ക്കാന്‍ പറ്റാത്തതിനാലാണ് വിമാനത്തിന്റെ തറയില്‍ തന്നെ മൂത്രമൊഴിച്ചതെന്ന് യുവതി പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു.
സ്പിരിറ്റ് എയര്‍ലൈന്‍സിന്റെ കറുപ്പും മഞ്ഞയും യൂണിഫോം ധരിച്ച ഒരു ഫ്‌ലൈറ്റ് അറ്റന്‍ഡന്റ്, യുവതിയുമായി വഴക്കിടുന്നതും ഒടുവില്‍ വിമാനത്തിന്റെ മൂലയില്‍ യാത്രക്കാരിയായ യുവതി മൂത്രമൊഴിക്കുന്നതും വീഡിയോയിലുണ്ട്.