ഇന്‍ഡിഗോ വിമാനത്തില്‍ യുവതിക്ക് നേരെ ലൈംഗികാതിക്രമം നടത്തിയ യാത്രക്കാരന്‍ അറസ്റ്റില്‍. മുംബൈ ഗുവാഹത്തി വിമാനത്തിലാണ് സംഭവം. രാത്രി വിമാനത്തിലെ ലൈറ്റ് മങ്ങിയ സമയം സീറ്റിന്റെ ആംറെസ്റ്റ് ഉയര്‍ത്തിയ ശേഷം മോശമായി പെരുമാറി എന്നാണ് പരാതി.
വിമാനം ഗുവാഹത്തി വിമാനത്താവളത്തില്‍ എത്തിയ ശേഷം ഉടനെ പൊലീസിന് കൈമാറിയെന്ന് എയര്‍ലൈന്‍ അധികൃതര്‍ അറിയിച്ചു. സംഭവത്തില്‍ യുവതിയുടെ പരാതിയില്‍ ഇയാള്‍ക്കെതിരെ പൊലീസ് കേസ് രജിസ്റ്റര്‍ ചെയ്തു. ആവശ്യമെങ്കില്‍ പൊലീസ് അന്വേഷണത്തിന് വേണ്ട സഹായം നല്‍കുമെന്നും എയര്‍ലൈന്‍ ഔദ്യോഗിക പ്രസ്താവനയില്‍ പറഞ്ഞു.