തിരുവനന്തപുരത്ത് തമ്പാനൂരില്‍ ഹോട്ടല്‍ മുറിയില്‍ യുവതിയെ മരിച്ച നിലയില്‍ കണ്ടെത്തി. കാട്ടാക്കട സ്വദേശി ഗായത്രി ആണ് മരിച്ചത്. ഗായത്രിക്കൊപ്പം മുറിയെടുത്ത പ്രവീണിനെ കാണാനില്ല.
ഇന്നലെ രാത്രിയോടെയാണ് ഗായത്രിയും സുഹൃത്ത് പ്രവീണും ഹോട്ടലില്‍ മുറിയെടുത്തത്. കൊലപ്പെടുത്തിയശേഷം പ്രവീണ്‍ രക്ഷപ്പെട്ടതായാണ് സൂചന. വാതില്‍ പുറത്തു നിന്നു പൂട്ടിയ നിലയിലായിരുന്നു.
യുവതി കൊല്ലപ്പെട്ട വിവരം ഹോട്ടലിലേക്ക് ഒരാള്‍ വിളിച്ചു പറയുകയായിരുന്നു.ഇരുവരും ഒരേ സ്ഥാപനത്തില്‍ ജോലി ചെയ്യുന്നവരാണ്. എന്നാല്‍ ഗായത്രിയെ കാണാനില്ലെന്ന് ചൂണ്ടിക്കാട്ടി വീട്ടുകാര്‍ നേരത്തെ പരാതി നല്‍കിയിരുന്നു. സംഭവത്തില്‍ പ്രവീണിനായി അന്വേഷണം ആരംഭിച്ചതായും വിശദമായ അന്വേഷണം നടത്തുമെന്നും പോലീസ് അറിയിച്ചു.