ബാങ്കില്‍ കള്ളനോട്ട് നിക്ഷേപിക്കാനെത്തിയ യുവതിയെ പൂന്തുറ പൊലീസ് അറസ്റ്റ് ചെയ്തു. മുട്ടത്തറ സ്വദേശിയായ ബര്‍ക്കത്തിനെയാണ് പൊലീസ് അറസ്റ്റ് ചെയ്തത്. തുക ബാങ്കില്‍ നിക്ഷേപിക്കാനെത്തിയ യുവതിയെ ബാങ്ക് അധികൃതര്‍ വിവരം അറിയിച്ചതിനെ തുടര്‍ന്ന് പൊലീസ് എത്തി കസ്റ്റഡിയിലെടുക്കുകയായിരുന്നു.
പൂന്തുറ കുമരിച്ചന്തയിലുള്ള എസ്ബിഐ ബാങ്ക് ശാഖയിലേക്കാണ് തിങ്കളാഴ്ച ഉച്ചതിരിഞ്ഞ് ബര്‍ക്കത്ത് എത്തിയത്. ശേഷം ഇവരുടെ പേരിലുള്ള ബാങ്ക് അക്കൗണ്ടിലേക്ക് 500 രൂപയുടെ 25 നോട്ടുകള്‍ നിക്ഷേപിക്കാന്‍ ശ്രമിക്കുമ്പോഴാണ് പിടിയിലായത്.
സൗദിയിലുള്ള ഭര്‍ത്താവിന്റെ സുഹൃത്ത് ഭര്‍ത്താവിന് കൈമാറിയാതാണെന്നാണ് ബര്‍ക്കത്ത് ചോദ്യം ചെയ്യലില്‍ പറഞ്ഞത്. എന്നാല്‍ ഇത് പൊലീസ് വിശ്വാസിച്ചിട്ടില്ല. കഴിഞ്ഞ ദിവസം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.