ന്യൂഡല്‍ഹി: ബി.ജെ.പിയെ ട്രോളി തൃണമൂല്‍ എം.പി മഹുവ മൊയ്ത്ര. നിലവിലുള്ള ചുരുക്കം പേരുടെ കാലാവധി കഴിയുന്നതോടെ പാര്‍ലമെന്റില്‍ ബി.ജെ.പിക്ക് ഒരൊറ്റ മുസ്‌ലിം ജനപ്രതിനിധി പോലുമുണ്ടാകില്ലെന്ന വാര്‍ത്ത ചൂണ്ടിക്കാട്ടിയായിരുന്നു പരിഹാസം. ‘ബി.ജെ.പിക്ക് രാജ്യസഭയിലോ ലോകസഭയിലോ ഒരു മുസ്‌ലിം എം.പി പോലുമുണ്ടാകില്ല. 31 സംസ്ഥാനങ്ങളിലോ കേന്ദ്രഭരണ പ്രദേശങ്ങളിലോ അവര്‍ക്ക് ഒരു മുസ്‌ലിം എം.എല്‍.എ പോലുമില്ല. ജനസംഖ്യയുടെ 15 ശതമാനത്തിന് ഏറ്റവും വലിയ രാഷ്ട്രീയ പാര്‍ട്ടിയില്‍ പ്രാതിനിധ്യമില്ല. സത്യമായും ബി.ജെ.പി എല്ലാ മതങ്ങളെയും ബഹുമാനിക്കുന്നു അവര്‍ പറഞ്ഞു.