കാനഡയിലെ കാട്ടുതീപ്പുക കൊണ്ട് നിറഞ്ഞു ന്യൂയോര്‍ക്ക് നഗരം. അതീവ ഗുരുതരമായ സാഹചര്യം മുന്‍നിര്‍ത്തി പുറത്തിറങ്ങുന്നവര്‍ മാസ്‌ക് ധരിക്കണമെന്ന് അധികൃതര്‍ നിര്‍ദ്ദേശം നല്‍കി. കഴിഞ്ഞദിവസം സ്റ്റാച്ചു ഓഫ് ലിബര്‍ട്ടി നിലനില്‍ക്കുന്ന സ്ഥലത്തടക്കം വലിയ രീതിയിലുള്ള പുക മൂടിയിരുന്നു.
ഇതിന്റെ പശ്ചാത്തലത്തില്‍ നഗരത്തിലെ വിവിധ സ്‌കൂളുകള്‍ക്ക് അവധി പ്രഖ്യാപിച്ചു. വിവിധ വിമാന സര്‍വീസുകളെയും ഇത് ബാധിച്ചിട്ടുണ്ട്.
കാനഡയില്‍ ഇതിനോടകം തന്നെ കാട്ടുതീ വലിയ നാശനഷ്ടം വിതച്ചിട്ടുണ്ട്. 10 വര്‍ഷത്തിനിടയില്‍ ഉണ്ടായ ഏറ്റവും വലിയ കാട്ടുതീയാണിത്.