തൃശ്ശൂര്‍ അതിരപ്പള്ളിയില്‍ ആനക്കയത്ത് വിനോദസഞ്ചാരികള്‍ക്ക് നേരെ കാട്ടാനയുടെ ആക്രമണം. ബൈക്ക് യാത്രക്കാരായ തൃശ്ശൂര്‍ സ്വദേശി രോഹിത്, സോനാ എന്നിവര്‍ക്ക് പരിക്കേറ്റു. ഇന്ന് വൈകിട്ടോടെയാണ് സംഭവം.
10 ബൈക്കുകളിലായി 20 പേരുടെ സംഘമാണ് ആനക്കയത്ത് എത്തിയത്. ഇവര്‍ക്ക് നേരെ ആന പാഞ്ഞെടുക്കുകയായിരുന്നു. രോഹിത്തിന്റെ കാലില്‍ ചവിട്ടി തുമ്പി കൈ കൊണ്ട് വലിച്ചെറിയാന്‍ ശ്രമിച്ചു. പരിക്കുകളോടെ ഇരുവരെയും ചാലക്കുടിയിലെ ആശുപത്രിയില്‍ പ്രവേശിപ്പിച്ചു.