കൊട്ടാരക്കരയില്‍ മന്ത്രി വി ശിവന്‍കുട്ടിയുടെ പൈലറ്റ് വാഹനം ഇടിച്ച് ആംബുലന്‍സ് മറിഞ്ഞ സംഭവത്തില്‍ പൊലീസിനെതിരെ ഗുരുതര ആരോപണവുമായി ആംബുലന്‍സ് ഡ്രൈവര്‍ നിതിന്‍. കേസ് കൊടുക്കാനായി കൊട്ടാരക്കര പൊലീസ് സ്റ്റേഷനില്‍ ചെന്നപ്പോള്‍ അധിക്ഷേപിച്ചുവെന്നാണ് പരാതി. സോപ്പുപെട്ടി പോലെയുള്ള വണ്ടിയാണ് ഓടിക്കുന്നതെന്നും മന്ത്രി പോകുന്ന വഴിയില്‍ എന്തിന് വന്നു എന്നും പൊലീസ് ചോദിച്ചതായി നിതില്‍ പറഞ്ഞു. നിന്റെ വണ്ടി കുപ്പത്തൊട്ടിയില്‍ കൊണ്ടുപോയി കളയടാ… ആരാടാ നിനക്ക് സിഗ്‌നല്‍ തന്നതെന്ന്് പൊലീസ് ചോദിച്ചതായും തന്നെ പ്രതിയാക്കാനാണ് പൊലീസ് നീക്കമെന്നും നിതിന്‍ ആരോപിച്ചു.
കഴിഞ്ഞ ദിവസമാണ് മന്ത്രി വി ശിവന്‍കുട്ടിയുടെ പൈലറ്റ് വാഹനം ആംബുലന്‍സുമായി കൂട്ടിയിടിച്ചത്. നെടുമണ്‍കാവ് പ്രാഥമിക ആരോഗ്യ കേന്ദ്രത്തില്‍ നിന്ന് രോഗിയെ കൊട്ടാരക്കര ആശുപത്രിയിലേക്ക് കൊണ്ടുപോകും വഴിയായിരുന്നു പുലമണ്‍ സിഗ്‌നലില്‍ വച്ച് പൈലറ്റ് വാഹനം ഇടിച്ചത്.