ഹജ്ജ് നിര്‍വഹിക്കാനായി കാല്‍നട യാത്രയായി വരുന്ന ഷിഹാബ് ചോറ്റൂരിന്റെ കൂടെ അല്‍ റാസില്‍ നിന്നും നടക്കാന്‍ ഒപ്പം കൂടിയ വണ്ടൂര്‍ കൂരാട് സ്വദേശി അബ്ദുല്‍ അസീസ് (47) പുറകില്‍ നിന്ന് വന്ന വാഹനം ഇടിച്ചു മരണപ്പെട്ടു. അല്‍ റാസ്സില്‍ നിന്ന് 20 കാലോമീറ്റര്‍ അകലെ റിയാദ് ബബറ വെച്ചാണ് അപകടം സംഭവിച്ചത്. മക്കള്‍: താജുദ്ദീന്‍, മാജിദ്, ശംസിയ. ഭാര്യ: ഹഫ്‌സത്ത്. ഉനൈസ കെ.എം.സി.സി സെന്‍ട്രല്‍ കമ്മിറ്റിയുടെയും അല്‍ റാസ്സ് ഏരിയ കെ.എം.സി.സിയുടെയും നേതൃത്വത്തില്‍ നിയമനടപടികള്‍ പൂര്‍ത്തിയാക്കുന്നതിന് ആവശ്യമായ പ്രവര്‍ത്തനങ്ങള്‍ നടന്നു കൊണ്ടിരിക്കുന്നു.