പ്രമുഖ ഓണ്‍ലൈന്‍ ചാറ്റിങ് പ്ലാറ്റ്‌ഫോമായ വാട്സ്ആപ്പ് സാങ്കേതിക തകരാര്‍ പരിഹരിച്ച് തിരിച്ചുവന്നു. നിലവില്‍ സന്ദേശങ്ങള്‍ അയക്കാനും സ്വീകരിക്കാനും കഴിയുന്നുണ്ട്.
ഇന്ന് ഉച്ച 12:30 മണിയോടെയാണ് ഇന്ത്യ ഉള്‍പ്പെടെ വിവിധ രാജ്യങ്ങളില്‍ വാട്‌സാപ്പിന്റെ സേവനം നിലച്ചത്. ഒരു മണിക്കൂറോളം ആപ്പ് പ്രവര്‍ത്തനരഹിതമായി.
എന്നാല്‍ എന്തുകൊണ്ടാണ് ഇത്തരത്തില്‍ സാങ്കേതിക തകരാര്‍ വന്നതിന് പിന്നിലെ കാരണം എന്നതിനെ കുറിച്ച് വാട്സ്ആപ്പ് ഇതുവരെ പ്രതികരിച്ചിട്ടില്ല.