ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ അപമാനിക്കുന്ന തരത്തില്‍ സമൂഹമാധ്യമത്തിലൂടെ പ്രതികരിച്ചതിന് വാട്‌സാപ്പ് ഗ്രൂപ്പ് അഡ്മിന്‍ അറസ്റ്റില്‍. വാട്‌സാപ്പ് ഗ്രൂപ്പിലെ അംഗം ചെയ്ത കുറ്റത്തിനാണ് അറസ്റ്റ്. സഹാബുദ്ദീന്‍ അന്‍സാരി എന്നയാളാണ് അറസ്റ്റിലായത്. യോഗിയെ അപമാനിച്ച മുസ്‌ലിം അന്‍സാരി എന്നയാളെ തിരയുകയാണെന്നു പൊലീസ് പറഞ്ഞു.
ഓഗസ്റ്റ് നാലിനായിരുന്നു കേസിനാസ്പദമായ സംഭവം. നാടിന്റെ വികസനവും പൊതുപ്രശ്‌നങ്ങളും ചര്‍ച്ച ചെയ്യുന്ന ജനപ്രതിനിധികള്‍ അടക്കമുള്ളവരുള്ള അനൗദ്യോഗിക ഗ്രൂപ്പില്‍ യോഗിയെ അപമാനിക്കുന്ന തരത്തില്‍ പ്രതികരിക്കുകയായിരുന്നു. തുടര്‍ന്ന് എക്‌സ് പ്ലാറ്റ്‌ഫോം (ട്വിറ്റര്‍) വഴിയാണ് പൊലീസിന് പരാതി ലഭിച്ചത്. ഐടി നിയമപ്രകാരവും ക്രിമിനല്‍ നിയമപ്രകാരവും കേസ് എടുക്കുകയായിരുന്നു.