മുസ്ലിം ലീഗ് വയനാട് പുനരധിവാസ ഫണ്ടിനെതിരെ ചന്ദ്രികയുടെ പേരിൽ വ്യാജ പോസ്റ്റർ പ്രചരിപ്പിച്ച സംഭവത്തിൽ ഒരാൾ പോലീസ് കസ്റ്റഡിയിൽ. വയനാട് ഫണ്ടിൽ നിന്ന് ചന്ദ്രികക്ക് 15 കോടി നൽകി എന്ന വ്യാജ പോസ്റ്റർ സോഷ്യൽ മീഡിയയിൽ പ്രചരിപ്പിച്ച വ്യക്തിയെയാണ് പരപ്പനങ്ങാടി പോലീസ് പിടികൂടിയത്.
പരപ്പനങ്ങാടി സ്വദേശി അബൂബക്കർ (63) എന്നയാളെയാണ് പോലീസ് കസ്റ്റഡിയിൽ എടുത്തത്. മണ്ഡലം യൂത്ത്ലീഗ് പ്രസിഡന്റ് യു എ റസാഖ് പോലീസിൽ പരാതി നൽകിയിരുന്നു. ഇത്തരം പോസ്റ്ററുകൾ പ്രചരിപ്പിച്ചവർക്കെതിരെ ചന്ദ്രിക മാനേജ്‌മെന്റും പരാതി നൽകിയിരുന്നു. കോഴിക്കോട് സിറ്റി പോലീസ് കമ്മിഷണർക്കും ഡി.ജി.പിക്കും സൈബർ സെല്ലിനുമാണ് പരാതി നൽകിയത്. ഈ പരാതിയിൽ അന്വേഷണം നടന്നുവരികയാണ്.