പ്രവര്‍ത്തിച്ചുകൊണ്ടിരുന്ന വാഷിംഗ് മെഷീന്‍ പൊട്ടിതെറിച്ചു. സമീപത്ത് ആളില്ലാത്തതിനാല്‍ വന്‍ ദുരന്തമാണ് ഒഴിവായത്. കാരശേരി ജംഗ്ഷനിലെ ബൈജു ബാപ്പുട്ടിയുടെ വീട്ടില്‍ ഇന്നലെ (240723)ഉച്ചയ്ക്ക് ശേഷം രണ്ടരയോടെയായിരുന്നു സംഭവം. നാല് വര്‍ഷം പഴക്കമുള്ള വാഷിംഗ് മെഷിനാണ് പൊട്ടിതെറിച്ചത്. മെഷിനും അലക്കാനിട്ട വസ്ത്രങ്ങളും സ്‌ഫോടനത്തില്‍ ചിതറിപ്പോയി.
വയറില്‍ എലി കരണ്ട് ഷോര്‍ട്ട് സര്‍ക്യൂട്ടായിരിക്കാം അപകടകാരണമെന്നാണു കെഎസ്ഇബി അധികൃതര്‍ പറയുന്നത്. പൊട്ടിത്തെറിയില്‍ വയറുകളും പൈപ്പുകളും നശിച്ചു. എന്തുകൊണ്ടാണിങ്ങനെ സംഭവിച്ചതെന്ന് അറിയാന്‍ വാഷിങ് മെഷീന്‍ കമ്പനിയെ ബന്ധപ്പെടുമെന്ന് വീട്ടുകാര്‍ പറഞ്ഞു.