പാലക്കാട്: പ്രിയാ വര്‍ഗീസിന്റെ നിയമനത്തിനെതിരായ ഹൈക്കോടതി വിധിയില്‍ പ്രതികരിച്ച് കോണ്‍ഗ്രസ് നേതാവ് വി.ടി ബല്‍റാം. പുറത്ത് പോകാനിരിക്കുന്ന കണ്ണൂര്‍ വി.സി അല്‍പമെങ്കിലും ഉളുപ്പുണ്ടെങ്കില്‍ ഇതോടെ രാജിവെയ്ക്കണമെന്നും സി.പി.എം നേതൃത്വം ജനങ്ങളോട് മാപ്പ് പറയണമെന്നും ബല്‍റാം ഫേസ്ബുക്കില്‍ പ്രതികരിച്ചു. പൊതുജനങ്ങളോട് അല്‍പമെങ്കിലും ഉത്തരവാദിത്തമുണ്ടെങ്കില്‍ മുഖ്യമന്ത്രി പ്രൈവറ്റ് സെക്രട്ടറിയെ സ്വജനപക്ഷപാതത്തിന്റെ പേരില്‍ പുറത്താക്കാന്‍ തയ്യാറാകണമെന്നും പ്രതികരിച്ചു.
അര്‍ഹതയുള്ളവരെ വഞ്ചിച്ച് പാര്‍ട്ടി നോമിനിയെ തിരഞ്ഞെടുത്ത സ്‌ക്രൂട്ടിനി കമ്മിറ്റി അംഗങ്ങള്‍ക്കെതിരെ ക്രിമിനല്‍ കേസെടുക്കണമെന്നും അദ്ദേഹം ആവശ്യപ്പെട്ടു. മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ രാഗേഷിന്റെ ഭാര്യ പ്രിയാ വര്‍ഗീസിന്റെ നിയമനത്തില്‍ ഇടപെട്ടതിലൂടെ കോടതി വലിയ തട്ടിപ്പാണ് തടഞ്ഞിരിക്കുന്നതെന്നും ബല്‍റാം പറഞ്ഞു.