മുണ്ടക്കൈ ദുരന്തം അതിജീവിച്ച വിവേക് കരള്‍ രോഗത്തെതുടര്‍ന്ന് മരണത്തിന് കീഴടങ്ങി. ചൂരല്‍മല സ്വദേശി വിവേക് (23) ആണ് മരിച്ചത്. കരള്‍മാറ്റ ശസ്ത്രക്രിയയ്ക്കായി ഒരുങ്ങുന്നതിനിടെ എറണാകുളത്തെ സ്വകാര്യ ആശുപത്രിയില്‍ വെച്ചായിരുന്നു മരണം.
കഴിഞ്ഞ മൂന്ന് വര്‍ഷമായി കരള്‍ രോഗ ബാധിതനായി ചികിത്സയിലായിരുന്നു വിവേക്. ചൂരല്‍മല മുണ്ടക്കൈ പ്രദേശവാസികളുടെ നേതൃത്വത്തില്‍ ചികിത്സാ സഹായ നിധി രൂപീകരിച്ച് ധനസമഹരണം തുടരുന്നതിനിടെയാണ് മരണം. അട്ടമല ബാലകൃഷ്ണന്‍ ഉമ ദമ്പതികളുടെ മകനാണ്. മനു സഹോദരനാണ്.