തിരുവന്തപുരം: കോവിഡ് ബാധിച്ചയാള്‍ വീടുകളില്‍ ക്വാറന്റീനില്‍ കഴിയുന്നുണ്ടെങ്കില്‍ വീട്ടിലുള്ള എല്ലാവരും നിര്‍ബന്ധമായും ക്വാറന്റീനില്‍ കഴിയണമെന്ന് മുഖ്യമന്ത്രി. വീടുകളില്‍ ക്വാറന്റീന്‍ കഴിയുന്നവര്‍ നിയമങ്ങള്‍ ലംഘിച്ച് പിടിക്കപ്പെട്ടാല്‍ പിഴ അടയ്‌ക്കേണ്ടി വരുമെന്നും സ്വയം ചെലവില്‍ കഴിയേണ്ടവരുമെന്നും, അത് വീട്ടിലായിരിക്കില്ലെന്നും അതത് സ്ഥലത്ത് ഏര്‍പ്പെടുത്തുന്ന കേന്ദ്രങ്ങളിലായിരിക്കുമെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു.
വീടുകളില്‍ നിന്ന് രോഗവ്യാപന തോത് കൂടുന്ന സാഹചര്യത്തില്‍ ക്വാറന്റീന്‍ നിയമങ്ങള്‍ കര്‍ശനമായി നടപ്പാക്കേണ്ടതുണ്ട്. കേസുകള്‍ കൂടുമ്പോള്‍ ബാധിക്കുന്നത്രയും കുടുംബങ്ങളും നിയന്ത്രങ്ങള്‍ സ്വയം പാലിക്കേണ്ടവരുമെന്നും മുഖ്യമന്ത്രി ചൂണ്ടികാണിച്ചു.