ടിജെ ജ്ഞാനവേല്‍ സംവിധാനം ചെയ്ത ‘വേട്ടയ്യന്’ ചിത്രം ഒ.ടി.ടിയില്‍ എത്തുന്നു. രജനികാന്ത് കേന്ദ്രകഥാപാത്രമായി എത്തിയ വേട്ടയ്യന് പ്രതീക്ഷിച്ച അത്ര കയ്യടി കിട്ടിയില്ല. ഒക്ടോബര്‍ 10 നാണ് ചിത്രം തിയേറ്ററുകളില്‍ എത്തിയത്. എന്നാല്‍ ബോക്‌സോഫീസില്‍ വിജയം നേടിയില്ല.
നവംബര്‍ ഏഴ് മുതല്‍ ചിത്രം ആമസോണ്‍ പ്രൈം വിഡിയോയില്‍ സ്ട്രീമിങ് ആരംഭിക്കുമെന്നാണ് റിപ്പോര്‍ട്ട്. ഔദ്യോഗക പ്രഖ്യാപനം ഇതുവരെയുണ്ടായിട്ടില്ല.
രജനികാന്ത്, മഞ്ജുവാര്യര്‍, അമിതാഭ് ബച്ചന്‍, ഫഹദ് ഫാസില്‍, റാണ തുടങ്ങിയ വന്‍ താരനിരയാണ് ചിത്രത്തിലുള്ളത്. ഏകദേശം 300 കോടി രൂപ ബജറ്റിലാണ് ചിത്രം എടുത്തിട്ടുള്ളത്. എന്നാല്‍ 235.25 കോടി രുപ മാത്രമാണ് ബോക്‌സോഫീസില്‍ നിന്ന് നേടാനായത്.
ലൈക്ക പ്രൊഡക്ഷന്‍സിന്റെ ബാനറില്‍ സുഭാസ്‌കരന്‍ അല്ലിരാജയാണ് ചിത്രം നിര്‍മ്മിച്ചത്. ശ്രീ ഗോകുലം മൂവീസാണ കേരളത്തില്‍ എത്തിച്ചത്്. അനിരുദ്ധ് രവിചന്ദറാണ് ചിത്രത്തിന്റെ സംഗീതം നിര്‍വ്വഹിച്ചിരിക്കുന്നത്.