തളിപ്പറമ്പ് താലൂക്ക് ആശുപത്രിയില്‍ പേ വാര്‍ഡില്‍ രോഗിക്ക് കൂട്ടിരിക്കാന്‍ എത്തിയ സ്ത്രീക്ക് പാമ്പുകടിയേറ്റു. ചേമ്പേരി സ്വദേശി ലത (55) എന്നിവരെയാണ് പാമ്പ് കടിച്ചത്.
കഴിഞ്ഞദിവസം രാത്രി 12 മണിക്കാണ് സംഭവം.നിലത്ത് കിടക്കുകയായിരുന്ന ഇവരെ കടിക്കുകയായിരുന്നു.ഉടന്‍തന്നെ ഇവരെ പരിയാരം ഗവണ്‍മെന്റ് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. വേഗത്തില്‍ ചികിത്സ നല്‍കിയതിനാല്‍ അപകട നില തരണം ചെയ്തതായി ആശുപത്രി അറിയിച്ചു.
പാമ്പിനെ ആളുകള്‍ തല്ലിക്കൊന്നു. ജനല്‍ വഴി റൂമിലേക്ക് കയറിയതാകാം എന്നാണ് കരുതുന്നത്.