കേരള ആശാ ഹെല്‍ത്ത് വര്‍ക്കേഴ്സ് അസോസിയേഷന്‍ സംസ്ഥാന വൈസ് പ്രസിഡന്റിന് വക്കീല്‍ നോട്ടീസയച്ച് ആരോഗ്യ വകുപ്പ് മന്ത്രി വീണാ ജോര്‍ജിന്റെ ഭര്‍ത്താവ് ജോര്‍ജ്ജ് ജോസഫ്. മന്ത്രി മന്ദിരത്തിലെത്തിയപ്പോള്‍ മന്ത്രിയെ കാണാന്‍ ഭര്‍ത്താവ് അനുവദിച്ചില്ലെന്ന പരാമര്‍ശത്തിലാണ് സംസ്ഥാന വൈസ് പ്രസിഡന്റ് എസ് മിനിക്ക് 50 ലക്ഷം രൂപ നഷ്ടപരിഹാരം ആവശ്യപ്പെട്ട് നോട്ടീസ് അയച്ചിരിക്കുന്നത്. മിനിയുടെ പരാമര്‍ശം തെറ്റാണെന്ന് നോട്ടീസില്‍ പറയുന്നു.
ധര്‍ണയുടെ രണ്ടാം ദിനത്തില്‍ മന്ത്രിയെ കാണാന്‍ ഔദ്യോഗിക വസതിയിലെത്തിയപ്പോള്‍ ഭര്‍ത്താവ് തടഞ്ഞെന്ന് മിനി നേരത്തെ പ്രതികരിച്ചിരുന്നു. എന്നാല്‍ ഈ ആരോപണം വീണാ ജോര്‍ജ് തള്ളിയിരുന്നു. തന്റെ ഭര്‍ത്താവ് താമസിക്കുന്നത് ഔദ്യോഗിക വസതിയിലല്ലെന്നും പത്തനംതിട്ടയിലെ വീട്ടിലേക്കും സമരക്കാര്‍ വന്നതായി അറിയില്ലെന്നും വീണ പറഞ്ഞിരുന്നു.