സിപിഎം സംസ്ഥാന കമ്മിറ്റിയില്‍ നിന്ന് മാറ്റിനിര്‍ത്തിയതില്‍ അതൃപ്തി പരസ്യമാക്കി മുന്‍ എംഎല്‍എ എ. പത്മകുമാര്‍. വീണാ ജോര്‍ജിനെ പ്രത്യേക ക്ഷണിതാവാക്കിയതിലുള്ള അതൃപ്തിയാണ് പത്മകുമാര്‍ പരസ്യമാക്കിയത്. ‘ചതിവ്, വഞ്ചന, അവഹേളനം. 52 വര്‍ഷത്തെ ബാക്കിപത്രം’ എന്നാണ് പത്മകുമാറിന്റെ ഫേസ്ബുക്ക് പോസ്റ്റ്.
വീണാ ജോര്‍ജിനെ സംസ്ഥാന കമ്മിറ്റിയില്‍ പ്രത്യേക ക്ഷണിതാവാക്കിയതിലുള്ള അതൃപ്തിയാണ് സോഷ്യല്‍ മീഡിയയിലൂടെ പത്മകുമാര്‍ പരസ്യമാക്കിയത്. ഉച്ചഭക്ഷണത്തിന് പോലും നില്‍ക്കാതെയാണ് പത്മകുമാര്‍ സമ്മേളന നഗരി വിട്ടത്. പാര്‍ലമെന്ററി രംഗത്തൂടെ പാര്‍ട്ടിയിലെത്തിയ വീണാ ജോര്‍ജിനെ സംസ്ഥാന കമ്മിറ്റിയില്‍ ഉള്‍പ്പെടുത്തിയതില്‍ പത്തനംതിട്ടയിലെ മറ്റു നേതാക്കള്‍ക്കും അതൃപ്തിയുണ്ടെന്നാണ് വിവരം.