ജോണി നെല്ലൂര്‍ പാര്‍ട്ടി വിട്ടത് യുഡിഎഫിനെ ബാധിക്കില്ലെന്നും അദ്ദേഹം പ്രധാനപ്പെട്ട നേതാവാണെന്ന് കരുതുന്നില്ലെന്നും പ്രതിപക്ഷ നേതാവ് വിഡി സതീശന്‍. കേരള കോണ്‍ഗ്രസിന്റെ പ്രതിനിധിയായാണ് യുഡിഎഫ് യോഗങ്ങളില്‍ പങ്കെടുത്തിരുന്നത്. അദ്ദേഹം കേരള കോണ്‍ഗ്രസ് വിട്ടതോടെ അവര്‍ മാറ്റൊരാളെ പ്രതിനിധിയായി അയയ്ക്കുകയും ചെയ്യും.
ഒരുപാട് കാലമായി അതൃപ്തി പ്രകടിപ്പിച്ച് മുഖ്യധാരയില്‍ നിന്നും അകന്നു നില്‍ക്കുകയായിരുന്നെന്നും പ്രതിപക്ഷ നേതാവ് പറഞ്ഞു.
അരമനകളെല്ലാം കയറി ഇരങ്ങിയിട്ടും ജോണി നെല്ലൂരിനെ മാത്രമെ കിട്ടിയുള്ളു എന്നത് ബിജെപിയുടെ ഗതികേടിനെയാണ് കാണിക്കുന്നതെന്ന് ആര്‍എസ്പി സംസ്ഥാന സെക്രട്ടറി ഷിബു ബേബി ജോണ്‍ പറഞ്ഞു.