രണ്ടാമത്തെ പരീക്ഷണ ഓട്ടത്തിൽ വന്ദേ ഭാരത് എക്സ്പ്രസ് ഉച്ചയ്ക്ക് 12 13 ന് കണ്ണൂരിലെത്തി. രാവിലെ 5.20ന് തിരുവനന്തപുരത്ത് നിന്ന് പുറപ്പെട്ട ട്രെയിൻ 6 മണിക്കൂറും 53 മിനിറ്റും കൊണ്ടാണ് കണ്ണൂരിലെത്തിയത് . തിങ്കളാഴ്ച 7 മണിക്കൂറും 10 മിനിറ്റുമെടുത്താണ് വന്ദേ ഭാരത് കണ്ണൂരിലെത്തിയിരുന്നത്. മൂന്ന് മിനിറ്റ് കണ്ണൂർ സ്റ്റേഷനിൽ നിർത്തിയതിന് ശേഷം കാസർഗോഡേക്ക് പുറപ്പെട്ടു. വന്ദേ ഭാരത് കാസർഗോഡേക്ക് നീട്ടിയതിനെ തുടർന്നാണ് ഇന്ന് രണ്ടാമത്തെ പരീക്ഷണ ഓട്ടം നടത്തുന്നത്.