ഡി.വൈ.എഫ്.ഐ പ്രവര്‍ത്തകനായിരുന്ന വിഷ്ണുവിന്റെ പേരില്‍ പിരിച്ച രക്തസാക്ഷിഫണ്ട് തട്ടിയെടുത്തെന്ന കേസില്‍ വഞ്ചിയൂര്‍ ഏരിയ കമ്മിറ്റിയംഗത്തിനെതിരെ നടപടി. ഫണ്ട് മുക്കിയതിന് ടി. രവീന്ദ്രന്‍ നായരെ സസ്‌പെന്‍ഡ് ചെയ്തു. 11 ലക്ഷം രൂപയാണ് വിഷ്ണുവിന്റെ കുടുംബത്തിന് കൈമാറിയത്. എന്നാല്‍ കുടുംബത്തെ സഹായിക്കാനും കേസ് നടത്തിപ്പിനുമായി എത്ര രൂപ പിരിച്ചു എന്നതിനു രേഖകളില്ല. ബാക്കി പണം നിയമ സഹായ ഫണ്ട് എന്ന പേരില്‍ രവീന്ദ്രന്‍ പ്രസിഡന്റായിരുന്ന കൈതമുക്ക് ചുമട്ടു തൊഴിലാളി സഹകരണ സംഘത്തില്‍ പാര്‍ട്ടി അക്കൗണ്ടിലാണ് നിക്ഷേപിച്ചത്. ഇതില്‍ നിന്ന് അഞ്ച് ലക്ഷം രൂപ രവീന്ദ്രന്‍ നായര്‍ സ്വന്തം അക്കൗണ്ടിലേക്കു വക മാറ്റിയെന്ന് ലോക്കല്‍ കമ്മിറ്റിയുടെ അന്വേഷണത്തില്‍ കണ്ടെത്തിയിരുന്നു.