ഐതിഹാസികമായ വൈക്കം സത്യാഗ്രഹത്തിന്റെ ശതാബ്ദി കെപിസിസിയുടെ ആഭിമുഖ്യത്തില്‍ ഒരു വര്‍ഷം നീണ്ടുനില്‍ക്കുന്ന വിവിധ പരിപാടികളോടെ ആഘോഷിക്കും. മാര്‍ച്ച് 30ന് പരിപാടികളുടെ തുടക്കം കുറിച്ചുകൊണ്ട് വൈക്കത്ത് ചേരുന്ന മഹാസമ്മേളനത്തില്‍ കോണ്‍ഗ്രസ് അധ്യക്ഷന്‍ ശ്രീ. മല്ലികാര്‍ജുന ഖാര്‍ഗെ പങ്കെടുക്കും.
ഇന്ന് വൈക്കത്ത് വച്ച് കെ. സുധാകരന്റെ അധ്യക്ഷതയില്‍ ചേര്‍ന്ന കെപിസിസി നിര്‍വ്വാഹക സമിതി യോഗത്തില്‍ പരിപാടിക്കായുള്ള സ്വാഗത സംഘം രൂപീകരിച്ചു. മാര്‍ച്ച് 4ന് സ്വാഗത സംഘം ഓഫീസ് പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്യും.