ഗർഭിണിയെ കല്ലുകൊണ്ട് തലക്കടിച്ച് കൊന്നു; കാമുകനടക്കം നാലു പേർ പിടിയിൽ

ഗർഭിണിയെ വയലിൽ മരിച്ച നിലയിൽ കണ്ടെത്തിയ സംഭവത്തിൽ കാമുകനടക്കം നാലു പേർ പിടിയിലായി. ഉത്തർ പ്രദേശിലെ മീറത്ത് ജില്ലയിലാണ് സംഭവം.കല്ലുകൊണ്ട് തലക്കിടിച്ചാണ് യുവതിയെ താനും സുഹൃത്തുക്കളും ചേർന്ന് കൊന്നതെന്ന് കാമുകൻ ആധേഷ് പോലീസിനോട് പറഞ്ഞു. താനുമായുള്ള ബന്ധത്തിൽ യുവതി ഗർഭിണിയാകുകയും വിവാഹത്തിന് നിർബന്ധിക്കുകയും ചെയ്തതിൽ പ്രകോപിതനായാണ് സുഹൃത്തുക്കളുമൊത്ത് കൊലപാതകത്തിന് ആസൂത്രണം നടത്തിയതെന്ന് യുവാവ് സമ്മതിച്ചു .ജൂലൈ രണ്ടിനാണ് യുവതിയെ സംഘം കൊലപ്പെടുത്തിയത്.മൃതദേഹം വയലിൽ ഉപേക്ഷിച്ച നിലയിൽ കണ്ടെത്തുകയായിരുന്നു.