കോണ്‍ഗ്രസ് നേതാവ് രാഹുല്‍ ഗാന്ധിക്കെതിരെ വധഭീഷണി മുഴക്കിയ സംഭവത്തില്‍ ഒരാള്‍ക്കെതിരെ കേസെടുത്തു. ഉത്തര്‍പ്രദേശ് ഗോരഖ്പൂര്‍ സ്വദേശി മനോജ് റായിക്കെതിരെയാണ് ലക്‌നൗ ചിന്‍ഹാത് പൊലീസ് കേസെടുത്തത്.
ഉത്തര്‍പ്രദേശിലെ കോണ്‍ഗ്രസ് നേതാവിനാണ് ഫോണിലൂടെ രാഹുലിനെ വധിക്കുമെന്ന ഭീഷണി സന്ദേശം ലഭിച്ചത്. മാര്‍ച്ച് 25ന് കോണ്‍ഗ്രസ് മീഡിയ കണ്‍വീനര്‍ ലല്ലന്‍ കുമാറിന്റെ ഫോണിലാണ് രാഹുല്‍ ഗാന്ധിക്കെതിരായ വധഭീഷണി സന്ദേശം ലഭിച്ചത്. സംഭവത്തില്‍ ലക്‌നൗവിലെ ചിന്‍ഹട്ട് പൊലീസാണ് കേസെടുത്തിരിക്കുന്നത്. കേസിലെ പ്രതിയെ തിരിച്ചറിഞ്ഞതായി പൊലീസ് അറിയിച്ചു.