രാജ്യത്തെ വിവിധ പാർട്ടികളുടെയും സംഘടനകളുടെയും ജനങ്ങളുടെയും എതിർപ്പ് കണക്കിലെടുക്കാതെ ഏക സിവിൽ കോഡിനായുള്ള നടപടികളുമായി കേന്ദ്ര സർക്കാർ മുന്നോട്ട് പോകുന്നതായി റിപ്പോർട്ടുകൾ.വർഷകാല സമ്മേളനത്തിൽ ബിൽ അവതരിപ്പിക്കാനാണ് നീക്കം എന്നാണറിയുന്നത്.
വ്യക്തി നിയമത്തിൽ കൊണ്ടുവരേണ്ട മാറ്റങ്ങളിൽ പാർലമെന്റ് നിയമ സ്റ്റാന്റിംഗ് കമ്മിറ്റി നിയമ നിർദേശങ്ങളുമായി ബന്ധപ്പെട്ട് ചേരുന്ന യോഗത്തിൽ പ്രതിനിധികളെ അയക്കാൻ നിർദേശം നൽകി നിയമ കമ്മീഷനും നിയമ മന്ത്രാലയത്തിനും പാർലമെൻററി സമിതി നിർദേശം നൽകിയിട്ടുണ്ട്..
അതേസമയം വലിയ പ്രതിഷേധങ്ങളാണ് ഏക സിവിൽ കോഡ് നടപ്പിലാക്കാനുള്ള നീക്കത്തിനെതിരെ ഉയരുന്നത്. വിവിധ പ്രതിപക്ഷ പാർട്ടികൾ ഇതിനെതിരെ രംഗത്ത് വന്നിട്ടുണ്ട്. എൻ ഡി എ യിലെ ഘടക കക്ഷികളിൽ നിന്ന് തന്നെ എതിർപ്പ് ഉയർന്നു കഴിഞ്ഞു.