ഏക സിവിൽ കോഡിനെതിരെ കോഴിക്കോട് ഇന്ന് കോൺഗ്രസിന്റെ ജനസദസ്സ്

ഏകസിവിൽ കോഡിനെതിരെ കോൺഗ്രസ് സംഘടിപ്പിക്കുന്ന ജനസദസ്സ് ഇന്ന് കോഴിക്കോട് മാനാഞ്ചിറ കോംട്രസ്റ്റ് ഗ്രൗണ്ടില്‍ നടക്കും. വൈകീട്ട് 3.30ന് പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്യും. കെ മുരളീധരൻ അധ്യക്ഷനാകും.കെപിസിസി അധ്യക്ഷൻ കെ സുധാകരൻ, കോൺഗ്രസിന്റെയും യുഡിഎഫിന്റെയും നേതാക്കൾ വിവിധ സമുദായ സംഘടന നേതാക്കളും പരിപാടിയിൽ പങ്കെടുക്കും. ജൂലൈ 22ന് നടത്താന്‍ നിശ്ചയിച്ചിരുന്ന പരിപാടി മുന്‍ മുഖ്യമന്ത്രി ഉമ്മന്‍ചാണ്ടിയുടെ നിര്യാണത്തെ തുടര്‍ന്ന് മാറ്റിവെക്കുകയായിരുന്നു.