മലപ്പുറം: ശാരീരികമായ അവശതകള്‍ക്കിടയിലും ആരുടെ മുന്നിലും കൈ നീട്ടാതെ ജീവിത പ്രാരാബ്ധങ്ങളോട് പൊരുതി ജീവിക്കുന്ന ഉനൈറിന് മലയാളികളുടെ കനിവിന്റെ കൈനീട്ടം. ഉനൈറിന്റെ കഥ സോഷ്യല്‍ മീഡിയയില്‍ വൈറലായതോടെ ഇദ്ദേഹത്തിന്റെ അക്കൗണ്ടിലേക്ക് ഒഴുകിയെത്തിയത് 50 ലക്ഷം രൂപ. ഇതില്‍ 20 ലക്ഷം രൂപ കഷ്ടതയനുഭവിക്കുന്നവര്‍ക്ക് നല്‍കുമെന്ന് ഉനൈര്‍ പറയുന്നു. ബാക്കി പണം കൊണ്ട് കാന്‍സര്‍ രോഗിയായ ഉമ്മയുടെ ചികിത്സയും ഒരു വീടുമാണ് ഉനൈറിന്റെ സ്വപ്നം.
അടങ്ങുന്ന കുടുംബത്തിന്റെ ഏക ആശ്രയമാണ് ഈ മനുഷ്യൻ. സുശാന്ത് നിലമ്പൂരാണ് ഫെയ്സ്ബുക്ക് പേജിലൂടെ സന്തോഷവര്‍ത്തമാനം പങ്കുവച്ചത്.
മുൻപ് ഉമ്മ ജോലിയ്ക്ക് പോയിരുന്നു. എന്നാൽ ഇപ്പോൾ ഉമ്മയ്ക്ക് കാൻസറാണ്. അതുകൊണ്ട് ഉമ്മ ജോലിക്ക് പോകുന്നില്ല. വീട്ടിലെ സാമ്പത്തിക ബുദ്ധിമുട്ടിന്റെ സമയത്ത് ആരോടെങ്കിലും സഹായം ചോദിച്ചുകൂടെ എന്ന് ചോദിച്ച യുവാക്കൾക്ക് അന്ന് ഉനെർ നൽകുന്ന മറുപടി ഇങ്ങനെ. ‘പടച്ചോൻ നമുക്ക് കയ്യും കാലും ഒക്കെ തന്നില്ലേ. പിന്നെ എങ്ങനെ മറ്റൊരു മനുഷ്യനോട് ചോദിക്കുന്നേ. അത് ഒരു രണ്ടാം നമ്പറല്ലേ. എന്റെ കയ്യും കാലും കൊണ്ട് നയിച്ചു ജീവിക്കുകയാണ്..’ എന്നതായിരുന്നു. ഉനൈറിന്റെ ഈ നല്ല മനസിന് മലയാളി നല്‍കുന്ന സമ്മാനമാണ് ഈ സഹായ ഹസ്തം.